விக்ரம் – ஆரத்தி இணையும் லைட் வெயிட் பேபி: அடுத்த அப்டேட்!
ஸ்டாண்ட்-அப் காமெடி அரங்குகளில் சிரிக்க வைத்த ‘விக்கல்ஸ்’ விக்ரம், இப்போது திரையில் கதாநாயகனாகக் களம் இறங்குகிறார். அவருடன் ஃபிட்னஸ் உலகில் கலக்கிக் கொண்டிருக்கும் ஆரத்தி கிருஷ்ணா கதாநாயகியாக அறிமுகமாகிறார். ஹிதா ஸ்டுடியோஸ் தயாரிப்பில், கே. சி. குரு இயக்கத்தில் உருவாகும் ‘லைட் வெயிட் பேபி’ திரைப்படத்தின் முழுப் படப்பிடிப்பும் இனிதே நிறைவடைந்தது.
சென்னை, பெங்களூரூ, மைசூர் எனப் பல்வேறு நகரங்களில் நாற்பத்தைந்து நாட்கள் விறுவிறுப்பாக நடந்த படப்பிடிப்பு வெற்றிகரமாக முடிவடைந்துள்ளது. ஃபிட்னஸ் உலகைப் பின்னணியாகக் கொண்டு காதல், நகைச்சுவை, குடும்ப உணர்வுகள் மற்றும் தனிப்பட்ட லட்சியப் போராட்டங்களை மையமாக வைத்து இந்தத் திரைக்கதை செதுக்கப்பட்டுள்ளது.
கதாநாயகனாக உருவெடுத்துள்ள ‘விக்கல்ஸ்’ விக்ரம், இப்படத்திற்கு வசனங்களையும் எழுதித் தனது பன்முகத் திறமையை வெளிப்படுத்தியுள்ளார்.
படப்பிடிப்பு முடிவடைந்த மகிழ்ச்சியில் இயக்குநர் கே. சி. குரு, நாயகன் விக்ரம் மற்றும் நாயகி ஆரத்தி கிருஷ்ணா ஆகியோர் தங்களின் நெகிழ்ச்சியான அனுபவங்களைப் பகிர்ந்து கொண்டுள்ளனர்.
தற்போது தொழில்நுட்பப் பணிகள் முழு வீச்சில் நடைபெற்று வருகின்றன. ரசிகர்களின் எதிர்பார்ப்பைக் கூட்டும் வகையில், இப்படத்தின் ஃபர்ஸ்ட் லுக் போஸ்டர் ஆகஸ்ட் மாதத்தின் இரண்டாம் வாரத்தில் வெளியாகவுள்ளது. இந்த ஆண்டின் பிற்பகுதியில் படம் திரையரங்குகளில் ரசிகர்களுக்குச் விருந்தாக வரவுள்ளது.
திரைக்குப் பின்னால் உழைத்த முக்கியக் கலைஞர்கள்:
தயாரிப்பு: ஹிதா ஸ்டூடியோஸ் இயக்கம்: கே.சி. குரு இணைத் தயாரிப்பு: சாகரா சந்தேஷ் வசனம் மற்றும் கதாநாயகன்: ‘விக்கல்ஸ்’ விக்ரம் கதாநாயகி: ஆரத்தி கிருஷ்ணா ஒளிப்பதிவு: பிரமோத் கொட்டியன் இசை: சர்வனா சுப்பிரமணியம் படத்தொகுப்பு: ஹரிஷ் கொம்மே மக்கள் தொடர்பு: நவநீத கிருஷ்ணன்
