‘செய்! செய்யாதே!’: எச்.ராஜா கொடுத்த ட்ரிபிள் அதிர்ச்சி!

மருத்துவ விழிப்புணர்வு, போதைப் பொருள் எதிர்ப்பு, அரசியல் நாடகம் என அத்தனை அம்சங்களையும் அள்ளித் தெளித்து உருவாகியிருக்கும் திரைப்படம் ‘செய்! செய்யாதே!’. இளம் தலைமுறையினரின் வாழ்க்கையை நல்வழிப்படுத்தும் சமூகப் பொறுப்புணர்வுடன் தயாரிக்கப்பட்டுள்ள இப்படத்தின் இசை மற்றும் டிரெய்லர் வெளியீட்டு விழா, திரையுலக பிரபலங்கள், அரசியல் தலைவர்கள் மற்றும் மருத்துவத் துறையினர் முன்னிலையில் மிகவும் கோலாகலமாக நடைபெற்றது.எச். ராஜா எனும் ‘சிவாஜி கணேசன்’!

விழாவில் பேசிய இயக்குநர் டாக்டர் எஸ். ராஜா, “அரசியல் ஆளுமை எச். ராஜா அவர்கள் இந்தப் படத்தில் முற்றிலும் இலவசமாக, சம்பளமே வாங்காமல் நடித்துக் கொடுத்துள்ளார். அவரது நடிப்பு மறைந்த நடிகர் திலகம் சிவாஜி கணேசனைப் போலவே அத்தனை அற்புதமாக வந்திருக்கிறது. அவரை வைத்து ‘தேவர் மகன் பார்ட் 2’ எடுக்க வேண்டும் என்பது எனது ஆசை!” எனப் பேசி அரங்கத்தில் பெரும் பரபரப்பையும் ஆச்சரியத்தையும் ஏற்படுத்தினார்.நிகழ்ச்சியின் ஹைலைட்ஸ் & சுவாரஸ்யப் பேச்சுகள்:

• ஃபைவ் ஸ்டார் கதிரேசன்: “சினிமாவும் அரசியலும் தமிழ்நாட்டில் பிரிக்க முடியாதவை. ஜிகர்தண்டா படத்தில் ரவுடி நடிகராவது போல, கலைக்கு மனிதனை மாற்றும் சக்தி உண்டு. அரசியலில் முத்திரை பதித்த எச். ராஜா படத்தில் நடித்திருப்பது கூடுதல் பலம்.”

• டாக்டர் தமிழிசை சௌந்தரராஜன்: “திரைத்துறையிலிருந்து அரசியலுக்கு வருபவர்களைப் பார்த்திருக்கிறோம், ஆனால் அரசியலிலிருந்து திரைத்துறைக்கு வந்து சமூகப் பொறுப்புள்ள படம் எடுப்பது பாராட்டுக்குரியது. மதுரையை மையமாகக் கொண்டு உருவாகியுள்ள இந்தப் படம் மிகப்பெரிய வெற்றி பெற வாழ்த்துகிறேன்.”

• எச். ராஜா: “என் உடல்நலக் குறைவின் போது தமிழிசை அக்கா எனக்குப் பெரிய ஆதரவாக இருந்தார். எந்த ஒரு விஷயத்தையும் இயல்பாக எதிர்கொள்ள வேண்டும் என்பதை உணர்ந்தேன். இறைவன் அருளால் அறுவை சிகிச்சை முடிந்து வெறும் ஆறு மாதங்களிலேயே மீண்டும் வந்து பேசும் அளவிற்கு உடல்நலம் பெற்றுள்ளேன். இந்தப் படத்தில் எந்த நடிகருக்கும் மேக்கப் போடப்படவில்லை, முற்றிலும் இயல்பாக நடித்திருக்கிறோம்.”

படத்தின் கதைக்களம் என்ன?

அமெரிக்காவில் மருத்துவராகப் பணியாற்றும் டாக்டர் எஸ். ராஜா இயக்கியுள்ள இத்திரைப்படத்தில், எச். ராஜா தமிழ்நாடு முதலமைச்சராக ஒரு முக்கியமான கதாபாத்திரத்தில் நடித்துள்ளார். போதைப்பொருள் பழக்கம், சுயமருந்து உட்கொள்ளுதல், தவறான மருத்துவ தகவல்கள், செவிலியர்கள் மற்றும் முன்களப் பணியாளர்களின் தியாகங்கள், குடும்ப மதிப்புகள் என இன்றைய சமூகத்தின் மிக முக்கியமான பிரச்சனைகளை மையமாகக் கொண்டு கதைக் களம் மிக நேர்த்தியாக அமைக்கப்பட்டுள்ளது.

நட்சத்திரங்கள் & தொழில்நுட்பக் குழு:

• தயாரிப்பு: ஹரிணி சுப்பு சினி கிரியேஷன்ஸ் (சுப்புலட்சுமி ஜெயராம் – கலிபோர்னியா, அமெரிக்கா)

• இயக்கம், கதை, திரைக்கதை & இசை: டாக்டர் எஸ். ராஜா (M.D., USA)

• நடிப்பு: எச். ராஜா (தமிழ்நாடு முதலமைச்சர்), டாக்டர் எஸ். ராஜா (டாக்டர் சந்திரபோஸ்), குரு விஜய் (டாக்டர் விஜய்), தர்ஷினி ரெட்டி (டாக்டர் விஜயலட்சுமி), குழந்தை நட்சத்திரம் பிரதிக்ஷா மனோ பிரசாந்த் (திவ்யா), சிதம்பரம் PDK (தங்கதுரை), மௌனிகா ப்ரீத்தி (டாக்டர் மௌனிகா), தபிதா குணரத்னே (டாக்டர் பிரியா)

• ஒளிப்பதிவு: வாசு பி. ராம்நாத்

• படத்தொகுப்பு: ராஜா முகமது

• சண்டைப் பயிற்சி: ஸ்டண்ட் கார்த்திக்

• விநியோகம்: ஹரிணி சுப்பு இன்டர்நேஷனல் ஃபிலிம் டிஸ்ட்ரிப்யூட்டர்ஸ்

மத்திய திரைப்படத் தணிக்கைக் குழுவின் சான்றிதழைப் பெற்றுள்ள ‘செய்! செய்யாதே!’ திரைப்படம், செப்டம்பர் மாதம் திரையரங்குகளில் கோலாகலமாக வெளியாக உள்ளது!

விழாவில், “எச்.ராஜா, முதலமைச்சார நடித்துள்ளார், சிவாஜி கணேசன் அளவுக்கு சிறப்பாக நடித்துள்ளார்” என்றெல்லாம் பேசி இரட்டை அதிர்ச்சி கொடுத்தார் இயக்குநர், யக்குநர் டாக்டர் எஸ். ராஜா.

எச்.ராஜா பேசும்போது, மூன்றாவது அதிர்ச்சி கொடுத்தார். தமிழிசை சவுந்திரராஜனை, ‘அக்கா’ என்று அன்போடு அழைத்தார்.

எச்.ராஜா பிறந்தது 29 செப்டம்பர் 29, 1957. தமிழிசை பிறந்தது,   2  ஜூன் 1961.

தன்னைவிட மூன்று வயது குறைவான தமிழிசையை, அக்கா என எச்.ராஜா அழைத்து, மூன்றாவது அதிர்ச்சி கொடுத்தார். எப்படியோ, நடிகருக்கான முழுத் தகுதியை பெற்றுவிட்டார்.

வாழ்த்துவோம்!