‘கிட்டி’: நெடுமாறன் மோகன்தாஸ் இயக்க, அசோக் – நிஷா கூட்டணியில் மிரட்டும் த்ரில்லர்! அக்.2 ரிலீஸ்!

அசோக், நிஷா  கூட்டணியில் உருவாகி இருக்கும் ‘கிட்டி’ திரைப்படம் திரைக்கு வரத் தயாராகிவிட்டது. நெடுமாறன் மோகன்தாஸ் இயக்கியுள்ள இந்தப் படத்தின் இறுதிக்கட்டப் பணிகள் (Post-production) தற்போது படுவேகமாக நடந்து வருகின்றன.

அனைத்து வேலைகளும் முடியும் தருவாயில் இருப்பதால், அக்டோபர் இரண்டு காந்தி ஜெயந்தி திருநாளை முன்னிட்டு படத்தை திரையரங்குகளில் கோலாகலமாக வெளியிட படக்குழு திட்டமிட்டுள்ளது.

தற்போது வெளியாகி உள்ள போஸ்டர், கவனத்தை ஈர்க்கிறது. நாயகன், கையில் கத்தியுடன் ஆவேசமாக பார்க்க, நீதிபதி உடையில் ஒய்.ஜி. மகேந்திரன் இருக்கிறார். ஆகவே இது த்ரில்லர் மற்றும் கோர்ட் டிராமாக இருக்கும் என்கிற யூகத்தை ஏற்படுத்தி உள்ளது. படத்தின் மீதான எதிர்பார்ப்பு அதிகரித்து உள்ளது.

படத்தின் சிறப்பம்சங்கள்:

• கதாநாயகன்: முருகா அசோக்

• கதாநாயகி: நிஷா

• முக்கியக் கதாபாத்திரம்: நீதிபதியாக ஒய்.ஜி. மகேந்திரன்

• இசை: காதர்

• ஒளிப்பதிவு: வி.எஸ். வேலன்

• படத்தொகுப்பு: கார்த்தி பாண்டியன்

காதல், மோதல், திரில்லர் என அத்தனை அம்சங்களும் நிறைந்த இந்த ‘கிட்டி’, அக்டோபர் மாத கொண்டாட்டமாக ரசிகர்களுக்கு அமையும் என எதிர்பார்க்கப்படுகிறது!