‘ஒரு கைதியின் டைரி’: சுசீந்திரன்- சாந்தனு – சீமான் கூட்டணி! ரஜினி வெளியிட்ட மாஸ் மோஷன் போஸ்டர்!
சூப்பர் ஸ்டார் ரஜினிகாந்த் கரங்களால் ‘ஒரு கைதியின் டைரி’ பட மோஷன் போஸ்டர் வெளியாகி, சினிமா ரசிகர்களிடையே செம ஹைப்பை ஏற்றியிருக்கிறது. சுசீந்திரன் டைரக்ஷனில் சாந்தனு பாக்யராஜ் ஹீரோவாக களமிறங்கும் இந்த மேஜிக் மூவியை, கேஆர்ஜி கண்ணன் ரவி குரூப் சார்பில் கண்ணன் ரவியும் தீபக் ரவியும் இணைந்து தயாரிக்கின்றனர்.
மதுரை மண்ணின் பின்னணியில் உருவாகும் இந்த ஆக்ஷன் ட்ராமா, அப்பா மற்றும் மகனுக்கு இடையேயான பாசப் போராட்டத்தை மையமாகக் கொண்டது. கதையில் எமோஷனோடு சேர்த்து விறுவிறுப்பான ஆக்ஷன் காட்சிகளும் நிறைந்து வழியப் போகிறது.
சாம் சி எஸ் இசையமைக்கும் இந்த படத்தில், சீமான் மிக முக்கியமான ரோலில் நடித்து மாஸ் காட்டவுள்ளார்.
வெளியாகியுள்ள மோஷன் போஸ்டரில் மதுரை கோவில் கோபுரங்கள், டைரி கையெழுத்து வடிவமைப்பு, சாந்தனு மற்றும் சீமானின் கெத்து லுக் ஆகியவை கவனத்தை ஈர்க்கின்றன. ‘நான் மகான் அல்ல’, ‘பாண்டியநாடு’ பட பாணியில் உணர்வுகளையும் ஆக்ஷனையும் கலந்து சுசீந்திரன் தரும் அடுத்த விருந்தாக இது அமையும். படப்பிடிப்பை ஒரே கட்டமாக முடித்து ரிலீஸுக்கு தயாராக்க படக்குழு திட்டமிட்டுள்ளது.
