“படத்துக்கு ‘அது’ தேவை!”: ‘லாலிபாப் ஸ்போர்ட்ஸ் அகாடமி’ பட விழாவில் ஆர்.வி.உதயகுமார் சொன்ன ரகசியம்!!

விளையாட்டு, நகைச்சுவை, குடும்ப செண்டிமெண்ட் என அனைத்தும் கலந்த ஒரு விருந்துக்குத் தயாராகுங்கள்! ‘லாலிபாப் ஸ்போர்ட்ஸ் அகாடமி’ படத்தின் பூஜை விழா சென்னை கோலாகலமாக நடைபெற்றது.

படக்குழுவினர் விபரம்: யோகி பாபு, ரெடின் கிங்ஸ்லி எனத் திரையரங்கையே அதிர வைக்கும் கூட்டணி இணைகிறது. இவர்களுடன் ரச்சிதா மகாலக்ஷ்மி, யாஷிகா ஆனந்த், YGM மதுவந்தி, அமித் பார்கவ், அஸ்மிதா எனப் பெரிய நட்சத்திரப் பட்டாளமே களமிறங்கியுள்ளது. கே.ஆர். செந்தில்நாதன் இயக்கத்தில், பி. மஞ்சுநாத் தயாரிக்கும் இப்படம் ரசிகர்களுக்குப் புதிய அனுபவத்தைத் தரும் என எதிர்பார்க்கப்படுகிறது. அச்சு ராஜாமணி இசையமைக்கிறார்.

விழாவில் படக்குழுவினரின் அதிரடிப் பேச்சு:

இயக்குநர் கே.ஆர். செந்தில்நாதன் பேசும்போது, “எங்கள் கனவுப் படம் இன்று பூஜையுடன் தொடங்கியதில் மட்டற்ற மகிழ்ச்சி. ரச்சிதா, யாஷிகா மற்றும் வந்திருக்கும் அனைத்து விருந்தினர்களுக்கும் நன்றி. இந்த ஆதரவு தொடர்ந்தால் படம் மாபெரும் வெற்றி பெறும்,” என்று நம்பிக்கையுடன் தெரிவித்தார்.

நடிகர் அமித் பார்கவ், “ஒரு கதையை உருவாக்கி, அதைத் திரைக்குக் கொண்டுவருவது நீண்ட பயணம். அந்தப் பயணத்தின் முக்கிய கட்டமே இந்த பூஜை. செந்தில்நாதன் சாரின் பார்வையில் இந்தப் படம் ரசிகர்களை நிச்சயம் கவரும்,” என்றார்.

நடிகை யாஷிகா ஆனந்த், “நல்ல கதைக்காகக் காத்திருந்தேன். இந்தப் படத்தில் இணைந்து பணியாற்றுவது மகிழ்ச்சி அளிக்கிறது,” என உற்சாகமாகப் பேசினார்.

நடிகை ரச்சிதா மகாலக்ஷ்மி நெகிழ்ச்சியுடன், “செந்தில்நாதன் சாரின் கனவுப் படைப்பு இது. பல சவால்களைக் கடந்து இன்று பூஜை தொடங்கியுள்ளது. நான் பி.டி. மாஸ்டர் கதாபாத்திரம் என்று மட்டும் நினைத்துவிடாதீர்கள், அது என்னவென்று திரையில் பாருங்கள்,” என்று சஸ்பென்ஸ் வைத்தார்.

நடிகை மதுவந்தி, “வித்தியாசமான களத்தில் ஆரோக்கியமான விளையாட்டுப் பின்னணியில் இப்படம் உருவாகிறது. இதில் நானும் ஒரு முக்கிய கதாபாத்திரத்தில் நடிக்கிறேன்,” என்று உறுதிப்படுத்தினார்.

நடிகர் மெல்வின், “இயக்குநர் கதையைச் சொன்னபோதே அதற்காக நாங்கள் தயாராகிவிட்டோம். படம் அனைவருக்கும் பிடிக்கும்,” என்று நம்பிக்கையளித்தார்.

நடிகை அஸ்மிதா, “இதுவரை நான் நடித்திராத வித்தியாசமான கதாபாத்திரம் இது. வாய்ப்பளித்த இயக்குநருக்கு நன்றி,” எனத் தெரிவித்தார்.

இசையமைப்பாளர் அச்சு ராஜாமணி, “இயக்குநரின் அர்ப்பணிப்பு எனக்கு நன்றாகத் தெரியும். இப்படம் பெரிய வெற்றியைப் பெறும்,” என வாழ்த்தினார்.

முக்கிய விருந்தினர்களின் வாழ்த்துகள்:

இயக்குநர் சங்கம் சார்பில் கலந்துகொண்ட ஆர்.வி. உதயகுமார் பேசுகையில், “தலைப்பே மிகவும் வித்தியாசமாகவும் உற்சாகமாகவும் இருக்கிறது. விளையாட்டுப் பின்னணி படம் இன்றைய சூழலுக்கு மிக அவசியம். நல்ல கதை, சரியான நேரம் இரண்டும் அமைந்தால் வெற்றி நிச்சயம். டப்பிடிப்பில் வரும் சவால்களைவிட, அந்தப் படத்தை மக்களிடம் கொண்டு சேர்ப்பதே மிகப்பெரிய சவாலாக மாறியுள்ளது. ஒரு திரைப்படத்தின் வெற்றியை அதன் கதை, நடிகர்களின் நடிப்பு, ஒளிப்பதிவு அல்லது இசை மட்டுமே தீர்மானிப்பதில்லை. அந்தப் படத்தை சரியான முறையில் ரசிகர்களிடம் கொண்டு சேர்ப்பதும் மிக முக்கியம். அதற்கு நல்ல உள்ளடக்கம் (Content) மட்டுமல்ல, நல்ல நேரமும் (Timing) அவசியம்.,” எனத் தெரிவித்தார்.

வழக்கறிஞர் தெய்வ சிகாமணி, “செந்தில்நாதன் கடந்த ஏழு ஆண்டுகளாக இந்தப் படத்திற்காகப் பட்ட கஷ்டங்களை நான் அறிவேன். இந்த உழைப்புக்குக் நிச்சயம் வெற்றி கிடைக்கும்,” என்று வாழ்த்தினார்.

இறுதியாக, தயாரிப்பாளர் மற்றும் நடிகர் மஞ்சுநாத் வருகை தந்த அனைவருக்கும் நன்றி தெரிவித்து, படத்தின் மீதான எதிர்பார்ப்பை அதிகரித்தார்.

விளையாட்டுப் பின்னணியில், குடும்பப் பொழுதுபோக்கு அம்சங்களுடன் உருவாகும் ‘லாலிபாப் ஸ்போர்ட்ஸ் அகாடமி’ குறித்த அடுத்தடுத்த அறிவிப்புகளுக்காக ரசிகர்கள் ஆவலுடன் காத்திருக்கிறார்கள்!