விமர்சனம்:கழுவேத்தி மூர்க்கன்

சாதியால் வேறுபட்டாலும் பள்ளி நாட்களில் நட்பாக இருக்கும் இரண்டு பேரை அறிமுகம் செய்து வைக்கிறார்கள். அதில் ஒருவர் மூர்க்கன்(அருள்நிதி), மற்றொருவர் பூமி(சந்தோஷ் பிரதாப்). வளர்ந்த பிறகு ஒவ்வொரு சூழலிலும் நண்பன் பூமிக்கு ஆதரவாக இருக்கிறார் மூர்க்கன்.

இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சாதியை அடிப்படையாக வைத்து ஆதாயம் தேட விரும்பும் அரசியல் கட்சியால் கிராமத்தில் பிரச்சனை ஏற்படுகிறது. அவர்களுக்கு எதிராக பூமி நிற்கிறார். இதையடுத்து அந்த அரசியல் கட்சி திட்டம் போட்டு வேலை செய்து மூர்க்கனை சிக்க வைக்கிறது.

பெரும் நஷ்டம் மற்றும் தன் உயிருக்கு ஆபத்து ஏற்படுவதால் போலீசாருக்கு தெரியாமல் தப்பியோடிவிடுகிறார் மூர்க்கன். தன் நஷ்டத்திற்கு பழிவாங்கி, போலீசில் சரண் அடைவாரா?

கழுவேத்தி மூர்க்கனை பார்க்கும்போது ராவண கோட்டம் படம் நினைவுக்கு வருகிறது. ஆனால் யாரையும் குறை சொல்லாமல், அனைத்திலும் நன்மையும், தீமையும் உண்டு என்பதை காட்டியிருப்பது தான் இந்த படம் தனித்து தெரிய காரணம்.

மேலும் படத்தில் காட்டப்பட்டிருக்கும் பிரச்சனைகளை நம்மால் உணர முடிகிறது. மூர்க்கன் என்ன செய்யப் போகிறார் என்பதை எளிதில் கணிக்க முடிந்தாலும் இரண்டாம் பாதி நம்மை ஏமாற்றவில்லை. கிளைமாக்ஸ் காட்சியும் சுவாரஸ்யமாக இருக்கிறது.

திரைக்கதை மற்றும் வசனம் எழுதப்பட்டிருக்கும் விதம் மூலம் இயக்குநரின் நோக்கத்தை நம்மால் புரிந்து கொள்ள முடிகிறது.

படத்தின் துவக்கத்தில் நம் கலாச்சாரத்தில் பல காலமாக பின்பற்றப்பட்டு வரும் ஒரு வகையான தண்டனை குறித்து தெரிய வருகிறது. ஆனால் படம் நகர நகர அதற்கான முக்கியத்துவம் தாக்கத்தை ஏற்படுத்தவில்லை.

கோபக்கார வாலிபனாக அருமையாக நடித்திருக்கிறார் அருள்நிதி. கதாபாத்திரத்தை புரிந்து சிறப்பான நடிப்பை வெளிப்படுத்தியிருக்கிறார். தாழ்த்தப்பட்ட சமூகத்தில் கல்வியின் முக்கியத்துவத்தை பற்றி பேசும் சந்தோஷ் பிரதாப்பின் நடிப்பு சிறப்பு.

சார்பட்டா பரம்பரை, நட்சத்திரம் நகர்கிறது ஆகிய படங்களை அடுத்து இந்த படத்திலும் அருமையாக நடித்திருக்கிறார் துஷாரா விஜயன். அந்த கதாபாத்திரமாகவே மாறியிருக்கிறார். சாயா தேவி, முனிஷ்காந்த், சுப்ரமணியன் ஆகியோரின் நடிப்பையும் பாராட்டியே ஆக வேண்டும்.

டி. இமானின் இசை படத்திற்கு பெரிய பலம். முதல் பாதியில் ஒரு பாடலை குறைத்திருக்கலாம். அது படத்தின் ஓட்டத்தை பாதித்துவிட்டது.

கழுவேத்தி மூர்க்கன்- நம்பி பார்க்கலாம்.