கோ.ப.செ: வரிவிலக்கு அளிக்க வேண்டும்!

வேறு எந்தவொரு கலைவடிவத்தையும் விட, திரைப்படத்துக்கு அதிக வீச்சு – வீரியம் உண்டு.

ஒலி, ஒளி, இசை, நடிப்பு என அனைத்தையும் ஒருங்கே அளித்து, நம் ஐம்புலண்களையும் ஈர்க்கும் ஒரே கலை திரைப்படம்தான்.

அதனால்தான் சமூக மாற்றத்துக்கு திரைப்படங்களும் முக்கிய காரணியாக இருந்தது. அதற்கு வேறு உதாரணம் தேட வேறு எங்கும் செல்ல வேண்டியதில்லை… நம் தமிழ்நாட்டில் திராவிட உணர்வு – சமூக நீதி – பகுத்தறிவு வேர் பிடிக்கக் காரணமாக இருந்தவற்றில் திரைப்படமும் ஒன்று!

ஆனால், பின்னாட்களில் இதே திரைத்துறை, எப்படி மாறிவிட்டது என்பது நாம் அறிந்ததே!

“இந்தியாவில் இளைய தலைமுறை புகைப்பழக்கத்துக்கு ஆளாவதற்கான காரணங்களில் மிக முக்கியமானது… திரையில் நடிகர்கள் புகைப்பிடிக்கும் காட்சிகள்” என ஒரு முறை உலக சுகாதார நிறுவனம் அறிக்கை விடுத்தது.

மிகச் சமீபத்தில், “திரைப்படத்தைப் பார்த்து கொலை செய்ய திட்டமிட்டோம்” என வாக்குமூலம் கொடுத்தவர்கள் குறித்த செய்திகளைப் பார்க்கிறோம்.

வன்முறை, ஆபாசம், பெண்ணடிமைத்தனம்… என பல படங்கள் இந்த சமூகத்துக்குச் சொல்லும் செய்திகள் அச்சத்தை ஏற்படுத்துகின்றன.

மக்களுக்கான படங்கள் – விதிவிலக்காக – சில வரவே செய்கின்றன.

படத்தின் சிறப்புக் காட்சியைப் பார்த்தவர்கள் நெகிழ்வாக தங்களது கருத்துக்களை வெளிப்படுத்திக் கொண்டு இருக்கிறார்கள்.

அனைவரின் ஒட்டுமொத்தக் கருத்தும், “மனிதருக்கு உத்வேகத்தையும், தன்னம்பிக்கையையும் கொடுக்கும் திரைப்படம். உறவுகளின் மேன்மையைச் சொல்லும் படம். இதை சுவாரஸ்யமாகவும் சொல்லி இருக்கிறார் இயக்குநர்” என்பதே.

“தங்கையை உயிருக்கு உயிராகப் பார்த்து வளர்க்கும் ஒரு இளைஞனின் கதை. இரு சின்னஞ்சிறு உயிர்கள் வளர்ந்து எதிர்கொள்ளும் உணர்வுப் போராட்டம்தான் இந்தப் படைப்பு.

இதே போல கவிஞர் வைரமுத்து, கவிஞர் ஜெயபாஸ்கரன் உள்ளிட்ட பலரும் தெரிவித்து உள்ளனர்.

சீமான், தமிழச்சி தங்கபாண்டியன், கவிஞர் நிஜந்தன், கவிஞர் ஜெயபாஸ்கரன்,

பேச்சாளர் லியோனி,  இயக்குநர்கள் பாரதிராஜா, பாக்யராஜ் உள்ளிட்ட ஆளுமைகளும் படத்தை நெகிழ்ந்து பாராட்டி இருக்கிறார்கள்.

இப்படத்தில், திருநங்கையரின் வலியை வேதனையை… அதே நேரம் அதை எதிர்கொள்ளும் தன்னம்பிக்கையைச் சொல்கிறது, “தேவதை…” என்கிற பாடல்.

திரையுலகில் முதன் முதலாக, திருநங்கைகளின் உணர்வுகளைச் சொல்லும் முதல் பாடல் இதுதான்.

தமிழ்சினிமா இதற்கு முன்பாக நம் சகோதர – சகோதரர்களைக் கேலிக்குரியவர்களாகச் சித்தரித்து வெளியிட்ட பாடல்களுக்கும், காட்சிகளுக்கும் இதன் மூலமாகப் பிராயச்சித்தம் தேடியிருக்கிறது” என்று குறிப்பிட்டு உள்ளார்.

தவிர இப்படத்தில் சராரி உயரம் இல்லாத மாற்றுத் திறனாளி இளைஞரை முன்னிலைப் படுத்தி கதாபாத்திரம் அமைத்து இருக்கிறார், இயக்குநர் சீனு ராமசாமி.  இதுவும் தன்னம்பிக்கை ஏற்படுத்தும் முயற்சியே.

மனிதர்களை – குறிப்பாக – இளைய சமுதாயத்தினரை திசை திருப்பும் திரைப்படங்களே வந்து கொட்டிக்கொண்டு இருக்கும் நேரத்தில்.. மனதை சரியான வழியில் திருப்பும், ‘கோழிப்பண்ணை செல்லதுரை’ படத்துக்கு, தமிழ்நாடு அரசு வரிவிலக்கு அளிக்க வேண்டும்.

முதலமைச்சர் மு.க.ஸ்டாலின் அவர்கள் இதைச் செய்வார் என்றே எதிர்பார்க்கிறேன்.

– டி.வி.சோமு