நடிகர் ஜெய்யின் அடுத்தப் படம்  ‘எண்ணித் துணிக’ !

ஜெய் தற்போது  நடித்து வரும் புதிய படமான ‘எண்ணித் துணிக’ அதிக கொந்தளிப்பு மிக்க திரில்லர்  படமாகும். ரெயின் அண்ட் ஏரோ என்டர்டெயிண் மெண்ட் நிறுவனத்துக்காக சுரேஷ் சுப்ரமணியம் தயாரிக்கும் இப்படத்தின் மூலம் எஸ்.கே.வெற்றி செல்வன் இயக்குநராக அறிமுகமாகிறார்.

இவர் இயக்குநர்  வசந்திடமும்  ஒளிப்திவாளர்  ரவி கே.சந்திரனிடமும் உதவி இயக்குநராகப் பணியாற்றி யவர். ஏராளமான விளம்பரப் படங்களையும் எடுத்தவர்.

நேற்று காலை (11-12-2019) ‘எண்ணித் துணிக’ படத்தின் படப்பிடிப்பு சம்பிரதாய பூஜையுடன் தொடங்கியது
படம் குறி்த்து இயக்குநர் வெற்றி செல்வன்  கூறுகையில்
“‘எண்ணித் துணிக’ என்ற இப்படத்தின் தலைப்பு திருக்குறளிலிருந்து எடுக்கப்பட்டதாகும்.

 “எண்ணித் துணிக கர்மம்… ” என்று துவங்கும் அற்புதமான குறள் இது.  ஒரு செயல் தொடங்கும் முன் அது குறித்து எத்தனை முறை வேண்டுமானல் யோசிக்கலாம்.  ஆனால் முடிவெடுத்து விட்டால் எக்காரணத்தை க் கொண்டும்  அதிலிருந்து  பின் வாங்கக்கூடாது என்பதை அழுத்தமாகச் சொல்கிறது இந்தக் குறள்.

இதை மையப்படுத்திதான் இப்படத்தின் கதாநாயகன் கதிர் பாத்திரம் உருவாக்கப்பட்டது.  ஜெய் இந்த வேடத்தில் நடிக்கிறார். தகவல் தொழில் நுட்பக் கம்பெனி ஒன்றில் பணியாற்றும் ஜெய், அந்தக் கணத்துக்காக வாழ்கிறவர்.

அதற்காக அவர் ஜாலி மனோபாவம் கொண்டவர் என்று சொல்வில்லை. தன் குடும்பம் மற்றும் நண்பர்கள் குறித்து அக்கறை செலுத்தும் நல்லியல்பு கொண்டவர்  நர்மதா என்ற வேடம்தான் அதல்யா ரவிக்கு.

முரண்பாடுகளுன்  இருக்கும் இந்த இருவரும் ஒருவரையொருவர் காதலிக்கின்றனர்.  ஆனால் படத்தில் முக்கிய திருப்பம் ஏற்படுகின்றது. சில ஆட்களால் குழப்பம் ஏற்படுகிறது. இதற்கு பதிலடி தரும் விதத்திலான நடவடிக்கைகளில் ஜெய் ஈடுபடத் தொடங்குகிறார்.

மொத்தத்தில் ‘எண்ணி்த் துணிக’ ரேஸ் வேகத்தில் செல்லும்  திரில்லர் வகைப் படமாகும்” என்றார் இயக்குநர் வெற்றி செல்வன்.

அதுல்யா ரவி நுட்பமான நடிப்பையும் திறம்பட வெளிப்படுத்தி ருக்கிறார். ஏற்கெனவே கேப்மாரி படத்தில் இருவரும் இணைந்து நடித்திருந்தாலும் எண்ணித் துணிக படம் முழுக்க முழுக்க அதிலிருந்து இருவருக்கும் வேறுபட்டது.

 ‘சீதக்காதி’ படத்தில் அறிமுகமான நடிகர் வைபவின் அண்ணன் சுனில் ரெட்டி எதிர்மறை வேடத்தில் நடிக்கிறார். இந்த படம் நிச்சியமாக எல்லோருக்கும் பிடிக்கும் விதமாக படமாக்கப் பட உள்ளது. ஜெய்வின் வித்தியாசமான நடிப்பை இதில் எதிர் பார்க்கலாம்.