உடல் எடையைக் குறைத்த இசையமைப்பாளர்! வைரலாகும் புகைப்படம்

கொரோனா காலத்தில் இயன்பான வாழ்கையில் இருந்து மாறுபட்டாலும் நாம் மறந்த பல நல்ல விஷயங்கள், நம்மால் முடியாது’ என்று நினைத்த விஷயம். இவயெல்லாம் நடக்கும் போது மனதுக்கு சந்தோஷத்தை கொடுத்திருக்கிறது கொரோனா. ‘கொலைகாரன்’ படத்தில் இசையமைத்த  சைமன் கே.கிங், யெளவனா பாடலுக்காகவும் ஊடகங்களில் பேசப்பட்டவர். தற்போது மற்றொரு மாறுபட்ட காரணத்துக்காக ஊடகங்களில் மீண்டும் பேசப்படுகிறார்.

ஊரடங்கில்  நான்கு மாதங்களில் 24 கிலோ எடையைக் குறைத்து, அந்தப் படத்தை சமுக வலைதளங்களில் பதிவு செய்திருக்கிறார் சைமன் கே.கிங். அந்த புகைப்படம் இப்போது வலைதளங்களில் பரவி வைரல் ஆகிவருகிறது.

கொரோனா தொற்று காரணமாக ஊரடங்கு காலத்தில், வேலை எதுவுமின்றி வீட்டில் அமர்ந்து சாப்பிட்டதைத் தவிர வேறு எதுவும் செய்யாத பலரும் உடல் எடை கூடிவிட்டதை கவலையுடன் பகிர்ந்து கொண்டிருக்கும் நேரத்தில் சைமன் கே.கிங் உடல் எடையைக் குறைத்தது எல்லோரையும் ஆச்சரியப்படவைத்துள்ளார்.

அனுபவத்தை நம்முடன் பகிர்ந்து கொள்கிறார் சைமன்.

“மூன்று கிலோ எடையைக் குறைக்க வேண்டும் என்ற சிறிய இலக்குடன்தான் ஆரம்பித்தேன். மூன்று கிலோ குறைத்ததும்  மேலும் எடையைக் குறைபதற்கு எனக்கு உச்சாகத்தை ஏற்படுத்தியது. கொரோனா  ஊரடங்கு, என்னை நானே உருமாற்றிக் கொள்ள எனக்கு வரமாக அமைந்தது. இந்த சமயத்தில் கிடைத்த ஓய்வு நேரம்  ஆரோக்கியமான வாழ்க்கை முறைக்கு எஅனி மாற்ற உதவியது.

திரைத்துறையில் ஓய்வின்றி உழைத்துக் கொண்டிருந்த காலத்தில் ஆரோக்கிய வாழ்வு முறை குறித்து நான்  நினைத்துப் பார்க்கவில்லை.

நண்பர்கள் பலரும்   எடையை எப்படி குறைதீர்கள் என ஆச்சரியமாக கேட்கின்றனர். வெளியில் சாப்பிடுவது முற்றிலும் தவிர்த்துப் போன சூழ்நிலையில் வீட்டில் சமைத்த உணவையே சாப்பிட வேண்டிய நிர்பந்தம் ஏற்பட்டது.  பாரம்பரிய உணவு வகைகளை சாப்பிடுவதால் ஏற்படும் பலன்களை அனுபவப்பூர்வமாக உணர ஆரம்பித்தேன். உணவுவகைகளை வீட்டுக்கே கொண்டுவந்து தரும் செயலிகள் அனைத்தையும் எனது போனில் இருந்து அகற்றினேன்.  குப்பை உணவுகளைத் தவிர்த்துவிட்டு வீட்டிலேயே அவ்வப்போது புதிதாக தயாரிக்கும் உணவுகளை சாப்பிடத்  தொடங்கியதுடன் உடற்பயிற்சியையும் மேற்கொள்ள ஆரம்பித்தேன்.

உடற்பயிற்சிக்கூட பயிற்சியாளர்கள் என்னை உற்சாகப்படுத்தி சொல்லிக் கொடுத்தாலும் எனக்கு அங்கு செல்வதில் எப்போதும் ஒரு தயக்கம் இருந்தது. நல்ல உடற்கட்டுடன் பலர் இருக்கும் இடத்தில், தண்ணீரைவிட்டு வெளிவந்த மீன் தத்தளிப்பதைப் போல் நானும் ஒரு வித தவிப்புடன்தான் இருப்பேன். பிறர் என் தோற்றத்தைப் பார்த்து கேலி பேசுவார்களோ என்ற எண்ணம் எனக்குள் ஓடும். ஆனால் உண்மையில் என்னைப் பற்றி நினைக்காமல் அவரவர் தங்கள் வேலையைப் பார்த்தபடிதான் இருப்பார்கள்.

ஊரடங்கால் உடற்பயிற்சிக்கூடங்களும் மூடப்பட்டன,  இதன் காரணமாக எனது நண்பரும் நெடுந்தூர ஓட்டப் பந்தயங்களுக்குப் பயிற்சியளிப்பவருமான ராம்நாத் மூலம் நான் சில பிரத்யேக பயிற்சிகளை மேற்கொள்ள ஆரம்பித்தேன். வாரத்துக்கு மூன்று நாட்கள் அதி தீவிர HIIT எனப்படும் (high-intensity interval training) இடைவெளிப் பயிற்சியும், இரண்டு நாட்களுக்கு மிதமான மார்பு இயக்கப் பயிற்சியும் செய்தேன்.  பிரத்யேகமாக எனக்கென வடிவமைக்கப்பட்ட இந்தப் பயிற்சிகள், பயிற்சியாளரின் நேரடியான மேற்பார்வையிலும், ஆன் லைன் மூலமாகவும் தொடர்ந்து நடைபெற்றது.

உடல் பயிற்சி, ஓய்வு மீண்டும் கடினமாக பயிற்சி இவைதான் பயிற்சியின் எளிய விதிகள். இதற்காக ஆடம்பரமான உடற்பயிற்சிக்கூடமோ, சாதனங்களோ தேவையில்லை. ஒரு சாதாரண இயக்கத்தின் மூலம் உங்கள் இதயத் துடிப்பை அதிகரிக்கச் செய்ய வேண்டும். அவ்வளவுதான். வேகமாக சைக்கிள் ஓட்டுவது, மாடிப்படிகளில் வேகமாக ஏறி இறங்குவது போன்றவையெல்லாம்கூட தீவிரமான HIIT (high-intensity interval training) வகை பயிற்சியைச் சேர்ந்ததுதான்” என்றார் சைமன் கே.கிங்

தனஞ்ஜெயன் தயாரிப்பில் பிரதீப் இயக்கும் இருமொழிப் படமான ‘கபடதாரி’ படத்தின் பின்னணி இசைக் கோர்ப்பு பணியில் ஈடுபட்டிருக்கும் சைமன் கே.கிங்,  தொடர்ந்து ‘கொலைகாரன்’ படத்தை இயக்கிய ஆன்ட்ரூ லூயிஸின் பெயரிடப்படாத படத்தில் பணியாற்றவிருப்பது குறிப்பிடதகது.

இனியன்