டபுள் ஆக்குபன்சி: ஓருடல்.. ஈருயிர்! மிரட்டும் ஃபேண்டஸி மசாலா!

வித்தியாசமான ஃபேண்டஸி கதையை பக்கா கமர்ஷியல் மசாலா கலந்துஅளிக்கிறது,  ‘டபுள் ஆக்குபன்சி’ .

ஒரே பாடி… ரெண்டு சோல்… என்னப்பா கதை இது!

கடவுளோட ஸ்பெஷல் அருளால பிறக்கிற ஒரு குழந்தை. அது என்னடான்னா, காலைல ஆறு மணியிலிருந்து சாயங்காலம் ஆறு மணி வரைக்கும் பக்கா பொண்ணு! ஆனா, சாயங்காலம் ஆறு மணி ஆயிட்டா போதும்… அடுத்த நாள் காலைல ஆறு மணி வரைக்கும் அப்படியே ஆணா மாறிடும்! ஒருத்தர் பார்க்கிறதையோ, அனுபவிக்கிறதையோ இன்னொருத்தரால நினைச்சுக்கூட பார்க்க முடியாது. உடம்பும் இதயமும் மட்டும்தான் காமன். இவங்களுக்குப் பொதுவா வச்ச பேருதான் ‘ரஜினி’. ஆனா, ட்விஸ்ட் என்னன்னா, ஒருத்தரை ஒருத்தருக்குக் கண்டாலே பிடிக்காது!

அப்படியே ஜாலியா போயிட்டு இருக்குறப்போ, இவங்க வேலைக்குச் சேர்ந்த பிறகு இந்த ரகசியம் சிலருக்குத் தெரிய வருது. கூடவே இவங்களோட காதலுக்கும் இந்த ‘ஷிஃப்ட் முறை’ செம ஆப்பு வைக்குது. ஒருகட்டத்துல வில்லனுக்கும் விஷயம் லீக் ஆக, அதுக்கப்புறம் நடக்குற கலகலப்பான கலாட்டா தான் இந்த ‘டபுள் ஆக்குபன்சி’.

ரஜினி அண்ட் ரஜினி… வேற லெவல் காம்போ!

ஒரே ஆளுக்குள்ள இருக்குற இந்த ரெண்டு ரஜினி கேரக்டர் தான் படத்தோட செம மாஸான பிளஸ் பாயிண்ட். இயக்குநர் அஸ்வின் கந்தசாமி திரைக்கதையை செதுக்கி, ஆடியன்ஸை சீட் எட்ஜ்ல உட்கார வச்சிருக்கார். அதுலயும் ஆண் ரஜினியா வர்ற சந்தோஷ், சாக்லேட் பாய் லுக்ல வந்து தியேட்டர்ல அப்லாஸை அள்ளுறார். படத்தோட வசனங்கள் ஒவ்வொன்னும் சும்மா நச்சுன்னு, சீன்களுக்கு செம வெயிட்டைக் கொடுக்குது.

ரொமான்ஸும் அந்தப் போன் டெக்னிக்கும்!

வில்லனா வர்ற பகவதி பெருமாளுக்குப் பெருசா வேலை இல்லைன்னாலும், வர்ற சீன்ல எல்லாம் ஸ்கோர் பண்றார். “இன்னொரு ரஜினி எல்லாம் கிடையாது, ஒரே ரஜினிதான்!” அப்படின்னு அவர் பேசுற சீன்ல தியேட்டரே அதிருது.

பகல்ல இருக்குற ரஜினியும், நைட்ல இருக்குற ரஜினியும் ஒருத்தரை ஒருத்தர் காண்டாக்ட் பண்ணிக்கப் பயன்படுத்துற போன் டெக்னிக் செம ஸ்மார்ட்! செகண்ட் ஹாஃப்ல வர்ற டூயட் பாட்டுல இருக்குற அந்த ஒரு நிமிடக் காட்சியை கேமராமேன் சாந்தகுமார் செம அழகா, கண்ணுல ஒத்திக்கிற மாதிரி படமாக்கியிருக்கார்.

மியூசிக் அண்ட் கிளைமாக்ஸ் ட்ரீட்!

சாம் சி.எஸ் பின்னணி இசையில புகுந்து விளையாடியிருக்கார். சீன்களுக்குத் தொந்தரவு தராம, அதேசமயம் எனர்ஜியைக் கூட்டியிருக்கார். “வித்தியாசமான கதையோட ஒரு பக்கா கமர்ஷியல் படம் பார்த்து எவ்வளோ நாள் ஆச்சு!” அப்படின்னு ஏங்குனவங்களுக்கு இந்தப் படம் ஒரு செம ட்ரீட். வாழைப்பழத்துல ஊசி ஏத்துற மாதிரி சாஃப்ட்டான கிளைமாக்ஸும், அப்படியே அடுத்த பாகத்துக்கான லீடும் கொடுத்து ஒரு கம்ப்ளீட் கமர்ஷியல் டிராமாவா முடிச்சிருக்காங்க.

பின்குறிப்பு: “யோவ்… என்னப்பா சில சீன்ல லாஜிக்கே இல்லையே!” அப்படின்னு யோசிச்சீங்கன்னா, இந்த மாதிரியான ஃபேண்டஸி படங்கள் பார்க்கவே முடியாது. லாஜிக்கை ஓரமா தூக்கி வச்சிட்டுப் பார்த்தா, இந்த ‘டபுள் ஆக்குபன்சி’ செம ஜாலி ரைடு!