தியேட்டர்களை அதிர வைத்த ‘துரந்தர்’! இதோ.. : ‘ஜியோ ஹாட்ஸ்டார்’ ஓ.டி.டி.யில்!
தியேட்டர்களில் அதிரடி காட்டி, இந்திய சினிமாவின் மிகப்பெரிய பிளாக்பஸ்டர் ஹிட் அடித்த ‘துரந்தர்’ திரைப்படம், இப்போது உங்கள் வீட்டு வரவேற்பறைக்கே வர ரெடியாகிவிட்டது. பெருநகரங்கள் முதல் பட்டிதொட்டி வரை ஒட்டுமொத்த இந்திய ரசிகர்களையும் குஷிப்படுத்தும் வகையில், மே 22 முதல் இந்த படம் ஜியோஹாட்ஸ்டார் டிஜிட்டல் தளத்தில் ஸ்ட்ரீமிங் செய்யப்பட உள்ளது.
முக்கியமான விஷயம் என்னவென்றால், தியேட்டர்களில் பார்க்காத பல சுவாரசியமான காட்சிகளுடன், பக்கா ரா (RAW) மற்றும் அன்ஃபில்டர்டு (Undekha) வெர்ஷனாக இந்த படம் வெளியாகிறது. முதன்முறையாகப் பார்ப்பவர்களுக்கும் சரி, ஏற்கனவே தியேட்டரில் பார்த்து ரசித்தவர்களுக்கும் சரி, இந்த வெர்ஷன் ஒரு வெறித்தனமான சினிமா அனுபவத்தை அள்ளிக்கொடுக்கும் என்பதில் சந்தேகமே இல்லை. ஆக்ஷன், டிராமா, எமோஷன் என அத்தனையையும் அதன் அசல் தன்மையோடு ஜியோஹாட்ஸ்டார் தளம் இந்தியாவின் மூலைமுடுக்கெல்லாம் கொண்டு சேர்க்கவுள்ளது.
ஜியோ ஸ்டுடியோஸ் வழங்கும், பி62 ஸ்டுடியோஸ் தயாரிப்பில் உருவான இந்த மாஸ் திரைப்படத்தை ஆதித்யா தர் எழுதி, இயக்கி, தயாரித்துள்ளார். ஜோதி தேஷ்பாண்டே மற்றும் லோகேஷ் தர் ஆகியோரும் இணைந்து தயாரித்துள்ள இந்த ‘துரந்தர்’ திரைப்படம், அறியப்படாத சில மனிதர்களின் பின்னணியில் இருக்கும் சொல்லப்படாத ஒரு அதிரடி கதையை நம் கண்முன்னே நிறுத்துகிறது.
ஜியோஹாட்ஸ்டார் பற்றி: ஜியோசினிமா மற்றும் டிஸ்னி+ ஹாட்ஸ்டார் ஆகிய இரண்டு மாபெரும் தளங்களின் இணைப்பால் உருவான ஜியோஹாட்ஸ்டார், இந்தியாவின் முன்னணி ஸ்ட்ரீமிங் தளங்களில் ஒன்றாகத் திகழ்கிறது. அசாத்தியமான கதைகள் மற்றும் நவீன தொழில்நுட்பத்தின் மூலம் இந்தியா முழுவதும் உள்ள ரசிகர்களின் பொழுதுபோக்கு தேவையை இந்த தளம் பூர்த்தி செய்து வருகிறது.
