உலகை அதிரவைத்த செப்டம்பர் 11ல்.. மிரட்ட வருகிறது டிமான்டி காலனி 3!

தமிழ்த் திரையுலகின் திகில் பயணத்தில் ‘டிமான்டி காலனி’ ஒரு முக்கிய மைல்கல். சுமார் 11 ஆண்டுகளுக்கு முன்பு தொடங்கிய அந்த மர்மமான பயணம், இன்று மீண்டும் ஒரு உச்சத்தை எட்டவிருக்கிறது.

‘டிமான்டி காலனி 3 – தி எண்ட் இஸ் டூ ஃபார்’ வரும் செப்டம்பர் மாதம் திரையரங்குகளில் வெளியாகிறது. ரசிகர்கள் ஆவலோடு எதிர்பார்க்கும் இந்தத் திகில் விருந்து, திரையுலகில் பெரும் பரபரப்பை ஏற்படுத்தியுள்ளது.

அருள்நிதி மீண்டும் கதாநாயகனாக நடிக்க, இயக்குநர் அஜய் ஞானமுத்து கதையை மிகவும் விரிவாகவும், மர்மம் நிறைந்ததாகவும் மாற்றியுள்ளார். முந்தைய பாகங்களின் தொடர்ச்சியாக, இந்தக் கதை இன்னும் ஆழமான இருண்ட உலகத்திற்கு பார்வையாளர்களை அழைத்துச் செல்கிறது.பேஷன் ஸ்டுடியோஸ் சார்பில் சுதன் சுந்தரம், மனிஷ் சிங்கால் மற்றும் துர்காராம் சௌத்ரி இந்தப் படத்தைத் தயாரித்துள்ளனர். இப்படத்தில் பிரியா பவானி சங்கர் மற்றும் பல முன்னணி நட்சத்திரங்கள் இணைந்துள்ளனர்.

சாம் சி.எஸ் இசையும், சிவக்குமார் விஜயனின் ஒளிப்பதிவும் இந்தப் படத்தின் மிகப்பெரிய பலமாக இருக்கும். ஒவ்வொரு காட்சியும் ரசிகர்களைப் பயத்தில் உறைய வைக்கும் வகையில் வடிவமைக்கப்பட்டுள்ளது.

படத்தின் ஒவ்வொரு அப்டேட்டும் படத்தின் மீதான ஆர்வத்தை அதிகரித்துள்ளது. ஒரு சீக்வல் எப்படி இருக்க வேண்டும் என்பதற்கு ‘டிமான்டி காலனி 3’ ஒரு சிறந்த உதாரணமாக இருக்கும் என்று படக்குழுவினர் உறுதியாக நம்புகின்றனர்.

உலகை அதிரவைத்த அமெரிக்க இரட்டை கோபுர தாக்குதல் நடந்த செப்டம்பர் 11 அன்று  இந்தத் திரைப்படம் வெளியாகிறது. திகில் பிரியர்கள் செப்டம்பர் மாதத்திற்காகக் காத்திருக்கலாம். இந்தப் பயணம் உங்களை மீண்டும் ஒரு மர்மமான உலகத்திற்குள் தள்ளும். அங்கே மறைந்திருக்கும் உண்மைகளைக் காணத் தயாராக இருங்கள்.