‘விலங்கு’ வேட்டையின் அடுத்த அதிரடி! ‘வாரண்ட்’ டிரெய்லர் விழாவில் தெறிக்கவிட்ட படக்குழுவினர்! 

தமிழ் ஓடிடி உலகில் ‘விலங்கு’ சீரிஸ் மூலம் அதிரடி காட்டிய பிரசாந்த் பாண்டியராஜ், இப்போது ‘ஹீரோ’ அவதாரம் எடுத்துள்ளார்! ZEE5-ன் புதிய கிரைம் த்ரில்லர் “வாரண்ட்” டிரெய்லர் வெளியீட்டு விழா, நட்சத்திரங்களின் வருகையோடு படு ஜோராக நடைபெற்றது. இதோ விழாவின் ‘ஹைலைட்ஸ்’:

 நாயகன் பிரசாந்த் பாண்டியராஜ்: ‘இயக்குநர் டூ ஆக்டர்’

“புரூஸ்லீ படத்திற்குப் பிறகு ஒன்றுமில்லாமல் இருந்தபோதுதான் ‘விலங்கு’ கைகொடுத்தது. அந்த சீரிஸை நீங்கள் கொண்டாடிய விதம் தான் எனக்கான அடையாளத்தைத் தந்தது. இப்போது இயக்குநராக இருந்து நடிகராக மாறியிருக்கிறேன். விலங்குக்குக் கொடுத்த அதே அன்பையும் ஆதரவையும் இந்த ‘வாரண்ட்’ சீரிஸுக்கும் தருவீர்கள் என நம்புகிறேன்!” என நெகிழ்ச்சியுடன் பேசினார்.

இயக்குநர் விக்னேஷ் நடராஜன்: ‘கட்டாயப்படுத்தி நடிக்க வைத்தேன்!’

“நானும் பிரசாந்தும் சேர்ந்து எழுதிய கதை இது. ‘நீங்க நடிச்சா நல்லா இருக்கும்’ என நான்தான் அவரை வற்புறுத்தி ஹீரோவாக்கினேன். ஒரு இயக்குநராக இருந்தும், என் ஷூட்டிங்கில் எந்தக் குறுக்கீடும் செய்யாமல் ஒரு அசிஸ்டெண்ட் டைரக்டர் போல ஓடி ஓடி உழைத்தார்!” என உற்சாகமாகப் பகிர்ந்தார்.

ZEE5 ஹெட் ஷாம்: ‘விலங்கு 2-ன் விஸ்வரூபம்!’

“இது வெறும் சீரிஸ் இல்லை, ஒரு பெரிய யுனிவர்ஸ்! ‘விலங்கு’ ஒரு கதையோடு முடிந்துவிடாது. அதில் வரும் ஒரு பவர்ஃபுல் போலீஸ் அதிகாரியின் ஆரம்பகாலக் கதைதான் இந்த ‘வாரண்ட்’. பிரசாந்தை ஹீரோவாக அறிமுகப்படுத்துவதில் எங்களுக்குப் பெருமை!” என சீரிஸின் பின்னணியைப் போட்டுடைத்தார்.

இயக்குநர் பாண்டிராஜ்: ‘அடுத்த எம்.எல்.ஏ இவன்தான்!’

பிரசாந்த் எதிலுமே பயங்கர ஆர்வமான ஆள். ஐந்து வருடத்தில் எம்.எல்.ஏ தேர்தலில் நின்றாலும் ஆச்சரியப்படத் தேவையில்லை, அந்தளவுக்குத் தன்னம்பிக்கை உள்ளவன். டிரெய்லர் அட்டகாசமாக இருக்கிறது. விலங்கு போலவே இதுவும் ஜெயிக்கப் போவது உறுதி!” எனத் தன் சிஷ்யனைத் தட்டிக்கொடுத்தார்.நடிகர் கவின்: ‘இது சீரிஸா இல்லை சினிமாவா?’

“பிரசாந்த் எனக்கு டிரெய்லர் காட்டியபோது ஒரு பெரிய கமர்ஷியல் சினிமா பார்ப்பது போலவே இருந்தது. படமாகவே ரிலீஸ் செய்யலாம் எனச் சொன்னேன். தன் அசிஸ்டெண்ட்கள் வளர வேண்டும் என உழைக்கும் பிரசாந்த் நிச்சயம் ஜெயிப்பார்!” என வாழ்த்தினார்.

சுசீந்திரன் & சினீஷ்:

“நல்ல உழைப்பாளி, நல்ல நண்பன்!” என பிரசாந்தின் உழைப்பைப் புகழ்ந்து தள்ளி, மொத்தக் குழுவிற்கும் தங்களது வெற்றிக் கோஷங்களை வழங்கினர்.

தயாரிப்பாளர் மதன்: ‘சினிமாவை விட இது டஃப்!’

“வெப் சீரிஸ் எடுப்பது சாதாரண விஷயமல்ல. கதையின் மீதான காதலால் மட்டுமே இதைச் சாத்தியமாக்கியுள்ளோம். பிரசாந்த் நடிப்பில் அசத்திவிட்டார், சஸ்பென்ஸ் கதைகளை விரும்புவோருக்கு இது சரியான விருந்து!” என்றார்.

நடிகைகள் கௌசல்யா & மீனா:

“ஷூட்டிங் ஸ்பாட்டில் ஒரு குடும்பம் போலவே இருந்தோம். கதை இன்னும் முழுதாக எனக்கே தெரியாது, அந்த சஸ்பென்ஸ் தான் எனக்கும் எதிர்பார்ப்பைக் கூட்டுகிறது!” என கௌசல்யாவும், “இதில் ‘ஷர்மி’ என்ற நர்ஸ் கேரக்டரில் நடித்திருக்கிறேன். சீன் பை சீன் த்ரில்லிங்காக இருக்கும்!” என மீனாவும் தங்களது அனுபவங்களை உற்சாகமாகப் பகிர்ந்தனர்.நடிகை சாயாதேவி: ‘பிரசாந்துக்காகத்தான் ஒத்துக்கிட்டேன்!’

“முதலில் இந்த சீரிஸில் நடிக்கத் தயங்கினேன். ஆனால், ‘நான் ஹீரோவா நடிக்கிறேன், எனக்கு சப்போர்ட் பண்ண மாட்டீங்களா?’ என்று பிரசாந்த் கேட்டதும் மறுக்க முடியவில்லை. ‘விலங்கு’, ‘மாமன்’ படங்களை விட இது இன்னும் பெருசாகப் பேசப்படும். ஒருவேளை சீரிஸ் நல்லா இல்லைன்னா… நேரா பிரசாந்தையே திட்டுங்க!” என ஜாலியாகக் கலாய்த்தார்.

நடிகர் வையாபுரி: ‘ஈகோ இல்லாத டீம்!’

“இதுதான் என் முதல் வெப் சீரிஸ். இங்கே எந்த ஈகோவும் இல்லை, எல்லாரும் நண்பர்களாக ஜாலியா வேலை பார்த்தோம். இதுபோல இன்னும் நிறைய சீரிஸ்களில் நடிக்க ஆசை!” என உற்சாகம் காட்டினார்.

நடிகர் அருள்தாஸ்: ‘உண்மையான போலீஸ் வாழ்க்கை!’

“சினிமாவில் நாம் பார்க்கும் மசாலா போலீஸ் இல்லாமல், ஒரு போலீஸ்காரரின் நிஜ வாழ்க்கையை மிக நெருக்கமாகக் காட்டியிருக்கிறார்கள். ஒரு சாதாரண கான்ஸ்டபிளாக பிரசாந்த் இதில் வாழ்ந்திருக்கிறார். இது நிச்சயம் அடுத்தடுத்த பாகங்களாக வளர வாய்ப்புள்ள கதை!” என ஆரூடம் சொன்னார்.நடிகை பூர்ணிமா ரவி: ‘பெண்களின் ஃபேவரைட் ஹீரோ!’

“ஹீரோவுக்கு என்று தனி இலக்கணம் கிடையாது, கதையைத் தாங்கிப் பிடிப்பவர்தான் ஹீரோ. பிரசாந்த் சாருக்கு ஆஃப்-ஸ்கிரீனிலேயே பெண் ரசிகர்கள் அதிகம், இந்த சீரிஸ் வந்த பிறகு ஆன்-ஸ்கிரீனிலும் அவருக்குப் பெரிய பட்டாளமே உருவாகும்!” என எனர்ஜியாகப் பேசினார்.

இயக்குநர் ராம்குமார் & தமிழரசன் பச்சைமுத்து:

“பிரசாந்தை எங்கள் படங்களில் நடிக்க வைக்க நினைத்தோம், ஆனால் அவர் ஹீரோவாகத்தான் வருவேன் என உறுதியாக இருந்தார். ‘பார்க்கிங்’ படத்தில் அவர் நடித்திருக்க வேண்டியது. ‘விலங்கு’ அளவுக்கு இந்த ‘வாரண்ட்’ சீரிஸும் எல்லா டீடெய்லிங்கையும் அக்குவேறாகக் காட்டும்!” என வாழ்த்தினர்.

தயாரிப்பாளர் குமார் & நடிகர் போஸ் வெங்கட்:

“கதைதான் இந்த சீரிஸின் உண்மையான ஹீரோ. பிரசாந்த் ஏற்கனவே நான்கு படங்களில் கமிட் ஆகியிருக்கிறார். அவர் பெரிய அளவில் சாதிப்பார்!” எனத் தங்களது நம்பிக்கையை வெளிப்படுத்தினர்.‘வாரண்ட்’ – எதைப் பற்றிய கதை?

இந்த சீரிஸ் வெறும் கிரைம் கதை மட்டுமல்ல, ஒரு மனிதனின் உளவியல் மாற்றத்தைப் பேசும் த்ரில்லர்!

• கோட்டை கருப்பசாமி: ஒரு சாதாரண போலீஸ் கான்ஸ்டபிளாகப் பணியைத் தொடங்கும் கருப்பசாமி, சமூக அவமானங்களையும் அதிகார அழுத்தங்களையும் எப்படிச் சந்திக்கிறார் என்பதே கதை.

• திடுக்கிடும் திருப்பம்: ஒரு ‘லாக்கப் டெத்’ சம்பவம் கதையையே புரட்டிப் போடுகிறது. சட்டத்தைக் காக்க வேண்டியவனே சட்டத்திற்கு அச்சுறுத்தலாக மாறும் அந்தத் தருணங்கள்… சீட் நுனிக்கே உங்களைக் கொண்டு வரும்!

• டெக்னிக்கல் டீம்: சாம் சி.எஸ்-ன் அதிரடியான பின்னணி இசை, அசோக் குமாரின் மிரட்டலான ஒளிப்பதிவு எனத் தரம் உயர்தரமாய் அமைந்துள்ளது.

அதிரடி, த்ரில்லர், சஸ்பென்ஸ் என அத்தனையும் கலந்த ‘வாரண்ட்’ வரும் 22-ஆம் தேதி முதல் உங்கள் ZEE5-ல் ரிலீஸ்! தயாரா இருங்க!