க்யூட் நாயுடன் களமிறங்கும் முகேன் ராவ்! மிரட்டலான ‘மைலோ’ டைட்டில் மற்றும் ஃபர்ஸ்ட் லுக் ரிலீஸ்!

பிக்பாஸ் டைட்டில் வின்னரும், சாக்லேட் பாயுமான முகேன் ராவ் நடிப்பில் உருவாகியிருக்கும் புதிய படமான ‘மைலோ’ (Milo) படத்தின் டைட்டிலும், ஃபர்ஸ்ட் லுக் போஸ்டரும் வெளியாகி இணையத்தில் செம வைரலாகி வருகிறது!

‘மைலோ’ சொல்லும் கதை என்ன? செல்ல நாயை மையமாக வைத்து உருவாகியுள்ள இப்படத்தை, கவின் மூர்த்தி எழுதி இயக்கியுள்ளார். SSR என்டர்டெயின்மென்ட் சார்பில் கே.ஐ. சுரேஷ் தயாரித்துள்ளார்.

வெளியாகியுள்ள ஃபர்ஸ்ட் லுக் போஸ்டரில் முகேன் ராவ் அடர் நீல நிற லெதர் ஜாக்கெட்டில் பக்கா மாஸாக நிற்க, அவருக்கு அருகில் ஒரு தங்க நிற செல்ல நாய் கம்பீரமாக உட்கார்ந்துள்ளது. மலைப்பகுதியின் பின்னணியில் அமைந்திருக்கும் இந்த போஸ்டரில் இடம் பெற்றுள்ள ‘MORE THAN A PET A SILENT WITNESS’ என்ற பஞ்ச் லைன், படத்துக்குள் ஏதோ பெரிய சஸ்பென்ஸ் இருக்கு என்பதைச் சத்தமின்றிச் சொல்கிறது.

அதாவது, 18 ஆண்டுகளுக்கு முன்பு நடந்த ஒரு குற்றத்தை, இந்த ‘மைலோ’ என்ற செல்ல நாயின் உதவியோடு நாயகன் எப்படி கண்டுபிடிக்கிறார் என்பதுதான் படத்தின் ஒட்டுமொத்த கதைக்களமாம்! செம சுவாரசியமான இந்தத் த்ரில்லர் கதை, கமர்ஷியல் அம்சங்களோடு ரசிகர்களை மிரட்டத் தயாராகிவிட்டது.

யார் யார் நடிக்கிறாங்க? முகேன் ராவுடன் ஜோடி சேர்ந்து கலக்கப் போகிறார் தேஜு அஸ்வினி. இவர்களுடன் இளவரசு, முனீஷ்காந்த், பிக்பாஸ் ஜனனி, மற்றும் 20 ஆண்டுகளுக்குப் பிறகு தமிழ் சினிமாவுக்கு ரீ-என்ட்ரி கொடுத்துள்ள ‘எங்கள் அண்ணா’ புகழ் இந்திரஜா! மேலும் சுரேஷ் மேனன், ஆதித்யா கதிர் எனப் பட்டாளமே களமிறங்கியிருக்கிறது.

மிரட்டலான டெக்னிக்கல் டீம்!

• இசை: ஜென் மார்ட்டின்

• ஒளிப்பதிவு: ஜிஜு சன்னி

• படத்தொகுப்பு: வெங்கட் ராஜன்

• வசனம்: கவின் மூர்த்தி & சந்திரன்

• சண்டைப் பயிற்சி: ஃபீனிக்ஸ் பிரபு & மிராக்கிள் மைக்கேல்

சென்னை, ஊட்டி, கொல்லிமலை, மூணாறு, திருவனந்தபுரம் மற்றும் மலேசியா எனப் பல பிரம்மாண்டமான லொகேஷன்களில் இப்படத்தின் ஷூட்டிங் முழுமையாக முடிந்துவிட்டது. படத்தின் ஆடியோ ரிலீஸ் மற்றும் தியேட்டர் ரிலீஸ் தேதி பற்றிய அறிவிப்புகள் விரைவில் வெளியாகும் என எதிர்பார்க்கப்படுகிறது. செல்ல நாயின் செம க்யூட்டான துணையோடு, மர்மம் நிறைந்த இந்தத் த்ரில்லர் படத்தை தியேட்டரில் பார்க்க ரசிகர்கள் இப்போது ஆர்வத்துடன் வெயிட்டிங்கில் இருக்கிறார்கள்!