துருவா சர்ஜாவின் ‘மார்ட்டின்’: ரூ 100 கோடி பட்ஜெட்! 13 மொழிகளில் ரிலீஸ்!
‘ஆக்க்ஷன் கிங்’ அர்ஜுனின் சகோதரி மகன் துருவா சர்ஜா நடிக்கும் படம், ‘மார்ட்டின்’.
வாசவி எண்டர்ப்ரைசஸ் சார்பில் தயாரிப்பாளர் உதய் கே மேத்தா தயாரிப்பில், இயக்குநர் ஏ.பி.அர்ஜுன் இயக்கும் படம் இது. ஆக்சன் கிங் அர்ஜூனே கதை, திரைக்கதை எழுதி உள்ளதோடு, நடிக்கவும் செய்கிறார்.
மணி சர்மா இசையமைக்க, ரவி பர்சூர் பின்னணி இசை மற்றும் ஒலி வடிவமைப்பு செய்துள்ளார். சத்யா ஹெக்டே ஒளிப்பதிவு செய்ய, கே. எம்.பிரகாஷ் எடிட்டிங் செய்துள்ளார்.
படத்தின் டீசர் கடந்த வருடம் வெளியாகி 98 மில்லியன் பார்வையாளர்களை கடந்து சாதனை படைத்து வருகிறது. புதிய டீசர் மூன்று வாரங்கள் முன் வெளியாகி இதுவரை 73 மில்லியன் பார்வையாகளை கடந்துள்ளது.
வரும் அக்டோபர் மாதம் 11 ஆம் தேதி, படம் திரைக்கு வரவுள்ள நிலையில், படக்குழுவினர் இந்தியா முழுவதும் பிரம்மாண்டமாக, படத்தின் முன் வெளியீட்டு நிகழ்ச்சிகளைத் துவங்கி உள்ளனர். முதல் கட்டமாகப் படக்குழுவினர், தமிழ்ப் பதிப்பை விளம்பரப்படுத்தும் வகையில், சென்னையில் பத்திரிக்கை மற்றும் ஊடக நண்பர்களைச் சந்தித்தனர்.
இவ்விழாவினில், தயாரிப்பாளர் உதய்கே.மேத்தா, ஆக்சன் கிங் அர்ஜூன், நாயகன் துருவா சர்ஜா, நாயகி வைபவி உட்பட படக்குழுவினர் கலந்துகொண்டனர்.
நிகழ்வினில் …
தயாரிப்பாளர் உதய் கே. மேத்தா, “ரசிகர்களுக்கு புதிய அனுபவமாக இருக்க வேண்டுமென, பெரும் பொருட்செலவில் பிரம்மாண்டமாக இப்படத்தை உருவாக்கியுள்ளோம்” என்றார்.
நடிகர் அர்ஜூன், “என் அன்பான துருவாவை தமிழுக்கு அறிமுகப்படுத்துவதில் மகிழ்ச்சி. இந்தப்படத்தில் எனக்கு டபுள்ரோல், துருவாவின் மாமாதான் நான். ஆனால் அவனை நான் என் மகனாகத் தான் நினைக்கிறேன்.
துருவாவின் ஐந்தாவது படம் இது. ஒவ்வொரு படமும் பெரிய பிளாக்பஸ்டர் ஆகியிருக்கிறது. அவனுக்கென பெரிய ரசிகர் பட்டாளம் இருக்கிறது. அவனுக்கு என்ன மாதிரி கதை எழுத வேண்டுமென, நிறைய யோசித்து இந்தக்கதையை எழுதி உள்ளேன்.
உண்மையில் தயாரிப்பாளர் தான் ஹீரோ. . 100 கோடிக்கு மேல் செலவு செய்து, ரசிகர்களுக்கு புதிய அனுபவம் தர பிரம்மாண்டமாகத் தயாரித்துள்ளனர். கண்டிப்பாக உங்கள் எல்லோருக்கும் பிடிக்கும்.
13 மொழிகளில் இப்படம் டப்பாகி ரெடியாகி இருக்கிறது. உலகம் முழுக்க யார் பார்த்தாலும், இந்தப் படம் பிடிக்கும். ஆக்சன் எமோஷன் என எல்லாம் இருக்கிறது. வித்தியாசமான திரைக்கதை. நிறைய ஃபாரின் ஆர்டிஸ்ட் நடித்துள்ளார்கள், துருவாவிற்கு இந்தப்படம் பெரிய பிளாக்பஸ்டர் ஆக இருக்கும்” என்றார்.
சரிகம நிறுவனம் சார்பில் ஆனந்த், “3 ஆம் தேதி இப்படத்தின் பாடல்கள் வெளியாக உள்ளது. கண்டிப்பாக எல்லா மொழிகளிலும் ஹிட்டடிக்கும்” என்றார்,நடிகை வைபவி, ” இந்தப்படத்தில் வேலை பார்த்தது அற்புதமான அனுபவம், மிக சிறப்பான படமாக வந்துள்ளது. உங்கள் அனைவருக்கும் பிடிக்கும்” என்றார்.
நடிகர் துருவா சர்ஜா, “இந்தப்படத்தை முழுமையான ஆக்சன் படமாக, புதிய தளத்தில் இருக்கும்படியான, படைப்பாக எடுத்துள்ளோம். தமிழில் என் முதல் படமான, திமிரு படத்திற்கு பெரும் ஆதரவு அளித்தீர்கள். மார்டின் படத்திற்கும் ஆதரவைத் தாருங்கள். என் காட்ஃபாதர், எனக்காக எல்லாம் செய்யும் அர்ஜூன் சாருக்கு நன்றிகள் ” என்றார்.
மிகப்பெரிய பட்ஜெட்டில் பிரமாண்டமாக உருவாகியுள்ள இப்படம், உலகமெங்கும் 13 மொழிகளில், வரும் அக்டோபர் மாதம் 11 ஆம் தேதி வெளியிடத் திட்டமிடப்பட்டுள்ளது.
இயக்கம்: ஏபி அர்ஜூன்
கதை: அர்ஜூன் சர்ஜா
தயாரிப்பு: உதய் கே மேத்தா
தியேட்டர் டீஸர் இசை: ரவி பஸ்ரூர்
நடிப்பு: துருவா சர்ஜா, வைபவி சாண்டில்யா, அன்வேஷி ஜெயின், சிக்கண்ணா, மாளவிகா அவினாஷ், அச்யுத் குமார், நிகிதின் தீர், நவாப் ஷா, ரோஹித் பதக்
வசனங்கள்: ஏபி அர்ஜூன்
எழுத்துக் குழு: சுவாமிஜி, கோபி
இசை: மணி சர்மா
பின்னணி இசை மற்றும் ஒலி வடிவமைப்பு: ரவி பஸ்ரூர்
ஒளிப்பதிவு: சத்யா ஹெக்டே
எடிட்டர்: கே எம் பிரகாஷ்
பேனர்: வாசவி எண்டர்பிரைசஸ்
தயாரிப்பு வடிவமைப்பு: மோகன் பி கேரே தயாரிப்புத் தலைவர்: சிவர்ஜுன்
அதிரடி: டாக்டர் கே ரவிவர்மா, ராம் லக்ஷ்மன், கணேஷ்,
மாஸ் மட இணை இயக்குனர்: எஸ் சுவாமி இணை இயக்குனர்: என் எஸ் வெங்கடேஷ், அபிஜித் சி அங்காடி
இயக்கும் குழு: மஞ்சுநாத் ஜே, அஸ்வத் ஜக்கி, அருண் எஸ் பி, யோகி ஜின்னப்பா, பரத் யோகானந்தா, சுவாமி லக்கூர்
ஆன்லைன் எடிட்டர்: பிரவீன் கே கவுடா தயாரிப்பு நிர்வாகி: தர்ஷன் சோம்சேகர் காசாளர்: ரமேஷ்
உதவி மேலாளர்கள்: மனோஜ், ராகேஷ், கார்த்திக், கிருஷ்ணா
ஆடை வடிவமைப்பாளர்: பவித்ரா ரெட்டி, சேத்தன் ரா
ப்ரோ: சுதீந்திர வெங்கடேஷ் (கன்னடம்), கம்யூனிக் பிலிம்ஸ் (ஹிந்தி), வம்சி காக்கா (தெலுங்கு), சதீஷ் (ஏஐஎம்) (தமிழ்), லெனிகோ சொல்யூஷன்ஸ் (மலையாளம்) இரண்டாவது யூனிட் டிஓபி: சங்கேத் மைஸ் போஸ்ட் புரொடக்ஷன் ஹெட்: மகேஷ் எஸ் ரெட்டி டீசர் எடிட்: பிரவீன் கே கவுடா வண்ணம்: ஆஷிக் குசுகொல்லி ஸ்டில்ஸ்: பரத் குமார் யு விளம்பர வடிவமைப்பு: கானி ஸ்டுடியோ
