‘தினந்தோறும்’ நாகராஜின் ‘ஆகாயம்’! புதிய, காதல் கூட்டணி!
மக்கள் செல்வன் விஜய் சேதுபதி கையால் வெளியான “ஆகாயம்” படத்தின் பர்ஸ்ட் லுக் போஸ்டர், இப்போ சோஷியல் மீடியால செம ட்ரெண்டிங்!
‘தினந்தோறும்’ படம் மூலமா பெரிய ஹிட் அடிச்சு, அப்புறம் கௌதம் மேனனின் ‘மின்னலே’, ‘காக்க காக்க’ படங்களுக்கு கதையாசிரியரா மாஸ் காட்டிய இயக்குநர் ‘தினந்தோறும்’ நாகராஜ் தான் இந்த “ஆகாயம்” படத்தோட கதை, திரைக்கதை, வசனம் எழுதி இயக்குறார். டெல்டா டாக்கீஸ் சார்பில் ஜெயச்சந்திரன் மற்றும் கார்த்திகா தேவி இணைந்து இந்த பிரம்மாண்டத்தை தயாரிச்சிருக்காங்க.
‘கன்னி மாடம்’ படத்துல யதார்த்தமான நடிப்பால் மனசைத் தொட்ட ஸ்ரீராம் கார்த்திக் கதாநாயகனா கலக்க, அவருக்கு ஜோடியா ஆலிஷா மிராணி அறிமுகமாகுறாங்க. இவங்களோட சேர்ந்து ஷீலா, கனிகா, சந்தான பாரதி, ஜெயபிரகாஷ், ‘மெய்யழகன்’ இந்துமதி மணிகண்டன், ‘மகாராஜா’ புகழ் சஞ்சனா நமீதாஸ்னு பெரிய நட்சத்திர பட்டாளமே களம் இறங்கியிருக்கு!
ஒளிப்பதிவை கார்த்திக் நல்லமுத்து கவனிக்க, ‘அயோத்தி’ புகழ் ரகுநந்தன் இசையில் பாடல்கள் சும்மா தீயா வந்திருக்காம்! பாடல்களை ஏக்நாத், சாரதி, ரமணிகாந்தன் எழுதியிருக்க, சூர்யா எடிட்டிங்கையும், பையர் கார்த்திக் மாஸ் சண்டைப் பயிற்சிகளையும் கவனிச்சிருக்காங்க.
விஜய் சேதுபதி வெளியிட்ட ஃபர்ஸ்ட் லுக் போஸ்டர் ரசிகர்கள்கிட்ட பயங்கர எதிர்பார்ப்பைக் கிளப்பியிருக்கு. அடுத்து வரப்போற ஆடியோ & ட்ரெய்லர் ரிலீஸ் அறிவிப்புக்காக படக்குழு தயார் ஆகிட்டு இருக்கு. தியேட்டர்கள்ல “ஆகாயம்” சீக்கிரமே மாஸ் காட்ட போகுது!
