‘அன்பே டயானா’ டிரெய்லர் விழா: பெரம்பூர் மேஜிக்… கொண்டாட்டத்தில் படக்குழு!

பெரம்பூர் பின்னணியில் உருவாகியுள்ள ‘அன்பே டயானா’ திரைப்படத்தின் டிரெய்லர் வெளியீட்டு விழா சென்னையில் கோலாகலமாக நடைபெற்றது. ‘மில்லியன் டாலர் ஸ்டுடியோஸ்’ மற்றும் ‘நியோ கேசில் கிரியேஷன்ஸ்’ இணைந்து தயாரித்துள்ள இப்படத்தை, ‘ஜமா’ புகழ் பாரி இளவழகன் இயக்கி, கதாநாயகனாகவும் நடித்திருக்கிறார். விழாவில் கலந்துகொண்ட படக்குழுவினர் பகிர்ந்த கருத்துகளின் சுருக்கம்:

‘பரிதாபங்கள்’ கோபி: ‘ஜமா’ படம் பார்த்ததிலிருந்தே இயக்குநர் பாரி மீது தனி மரியாதை உண்டு; கதை சொல்லி முடிக்கும் முன்பே நடிக்க ஒப்புக்கொண்டேன்.
நடிகை ரோஜா: ஆந்திராவில் இருந்து வந்து தமிழ்நாட்டில் குடியேறிய பெண்ணாக, என் நிஜ வாழ்க்கை போலவே இந்த வேடம் இருந்தது. குடும்பங்கள் கொண்டாடும் படமாக இது இருக்கும்.
தயாரிப்பாளர் சத்யா கரிகாலன்: இது சாதாரண காதல் படம் மட்டுமல்ல; குடும்ப உறவுகள், உணர்வுகள், நகைச்சுவை கலந்த முழுமையான பொழுதுபோக்குத் திரைப்படம்.
எடிட்டர் பார்த்தா: பெரம்பூரை மையமாகக் கொண்ட இக்கதை சரியான கைகளுக்குச் சென்றிருக்கிறது. பரத் சங்கரின் இசையும், ஷெல்லி கேலிஸ்டின் ஒளிப்பதிவும் பெரிய பலம்.
இசையமைப்பாளர் பரத் சங்கர்: பெரம்பூரின் புதிய உலகத்தை பாரி விவரித்த விதம் என்னை மிகவும் கவர்ந்தது. உணர்வுப்பூர்வமான பாடல்களும் இசையும் இதில் காத்திருக்கின்றன.
இயக்குநர் தினகரன் சிவலிங்கம்: டிரெய்லரிலேயே இயல்பான உணர்வுகளும் கதாபாத்திரங்களும் தெரிகின்றன; படம் பெரிய வெற்றி பெற வாழ்த்துகள்.
நடிகர் சேத்தன்: கதையைக் கேட்ட பிறகு அப்பா வேடம் மட்டுமல்ல, தாத்தா வேடமாக இருந்தாலும் மகிழ்ச்சியாகச் செய்திருப்பேன் என்று தோன்றியது.
நடிகர் சமுத்திரக்கனி: சேத்தன் எந்தக் கதாபாத்திரத்திற்கும் உயிர் கொடுப்பவர். சினிமா மீது தீவிர காதல் கொண்ட பாரி போன்ற இளம் இயக்குநர்கள் தமிழ் சினிமாவுக்குத் தேவை.
தயாரிப்பாளர் சரவணன்: பாரி மற்றும் தயாரிப்பாளர் யுவராஜ் மீதான அன்பால் தான் இதில் இணைந்தேன். படம் முழுக்க முழுக்கக் குடும்பத்துடன் ரசிக்கும்படி வந்துள்ளது.
தயாரிப்பாளர் யுவராஜ் கணேசன்: என் வாழ்க்கைப் பயணத்தில் துணையாக நின்ற அனைவருக்கும் நன்றி. ‘அன்பே டயானா’ ரசிகர்களை முழுமையாக மகிழ்விக்கும்.
நாயகி ரம்யா ரங்கநாதன்: டயானா கதாபாத்திரம் என் திரைப்பயணத்தில் மிகச் சிறப்பானது. ஆங்கிலோ-இந்திய சமூகத்தின் அன்பையும் வாழ்க்கை முறையையும் அழகாகப் பதிவு செய்துள்ளோம்.
இயக்குநர் பாரி இளவழகன்: சினிமா என்பது ஒரு கூட்டுப் பயணம். என்னோடு நின்ற அனைவருக்கும் நன்றி; பெரம்பூர் மக்கள் காலாகாலத்திற்கும் கொண்டாடும் படமாக இது இருக்கும்.
இயக்குநர் சசிகுமார்: டிரெய்லர் அற்புதமாக வந்துள்ளது. படம் ரிலீஸாகி வெற்றி பெற்ற பிறகு நன்றி சொல்லுங்கள்; அதுவே உண்மையான நன்றியாக இருக்கும்.

வெவ்வேறான கலாச்சாரப் பின்னணி கொண்ட இருவரின் காதலை மையமாகக் கொண்டு உருவாகியுள்ள ‘அன்பே டயானா’, வரும் ஜூலை 17 அன்று உலகமெங்கும் திரையரங்குகளில் வெளியாகவுள்ளது.

Post Views: 7,697