உருக வைக்கும் காதல் ‘ஹைக்கூ’! நெகிழ்ச்சியான டீசர் வெளியானது!
கவித்துவமான காதல், அள்ளும் காட்சியமைப்புகள், கெமிஸ்ட்ரியில் தூள் கிளப்பும் ஜோடி என பார்த்தவுடனே நெஞ்சைத் தொடும் ஒரு ஃபிரெஷ்ஷான காதல் கவிதையாக வந்திருக்கிறது ‘ஹைக்கூ’ திரைப்படத்தின் டீசர்! விஷன் சினிமா ஹவுஸ் தயாரிப்பில், யுவராஜ் சின்னசாமி இயக்கத்தில், சித்து குமார் இசையில் உருவாகியுள்ள இப்படத்தின் டீசரை நம்ம ரொமாண்டிக் ஸ்டார் ஹரிஷ் கல்யாண் வெளியிட்டு சிறப்பித்துள்ளார்.
இளமைத் துள்ளலும், கண்ணைக் கவரும் கலர்ஃபுல் காட்சிகளும் நிறைந்துள்ள இந்த டீசர், பார்த்த கணத்திலேயே நம்மையும் ஒரு புதிய காதல் உலகத்திற்குள் அப்படியே கடத்திச் சென்று, படத்தின் மீதான எதிர்பார்ப்பை எகிற வைத்துள்ளது!
இப்படத்தில் ஏகன், ஸ்ரீதேவி மற்றும் ஃபெமினா ஜார்ஜ் ஆகியோர் முதன்மைப் பாத்திரங்களில் நடித்து அசத்தியுள்ளனர். ‘கோழிப்பண்ணை செல்லதுரை’ படத்தில் கிராமத்து இளைஞனாக வந்து கைதட்டல் வாங்கிய ஏகன், இதில் அப்படியே யு-டர்ன் அடித்து ரொம்பவே கூலான, மாடர்ன் மற்றும் கியூட் இளைஞனாக வந்து கெத்து காட்டுகிறார். அவருக்கு ஜோடியாக நடித்துள்ள ஸ்ரீதேவியும், ஃபெமினா ஜார்ஜும் தங்களின் வசீகர நடிப்பால் மனதை அள்ளுகிறார்கள். இதில் சர்ப்ரைஸ் என்ட்ரியாக வரும் ஃபெமினா ஜார்ஜ், கொஞ்ச நேரமே வந்தாலும் அம்புட்டையும் அள்ளிக் கொண்டு போகிறார்!
இவர்களின் இந்தக் காதல் கதைக்கு சித்து குமாரின் பின்னணி இசைதான் அல்டிமேட் ஹைலைட்! கிளாசிக்கல் ராகங்களோடு வயலினையும், மாடர்ன் ஃபியூஷன் இசையையும் கலந்து அவர் கொடுத்திருக்கும் பிஜிஎம் டீசரை வேற லெவலுக்குக் கொண்டு சென்றுள்ளது. இயக்குனர் யுவராஜ் சின்னசாமியின் புத்துணர்ச்சியான மேக்கிங், வழக்கமான காதலையும் புதுவிதமான ஃபீல் கொடுத்து ரசிக்க வைக்கிறது.
படம் முடிவதற்கு முன்பே இதன் ஓடிடி டிஜிட்டல் உரிமையை பிரபல நெட்ஃபிலிக்ஸ் நிறுவனம் பெருந்தொகை கொடுத்துக் கைப்பற்றியுள்ளது என்றால் பார்த்துக்கொள்ளுங்களேன், எந்த அளவுக்கு இந்த மேஜிக் ஒர்க்அவுட் ஆகியிருக்கிறது என்று!
டாக்டர் டி. அருளானந்து மற்றும் மாத்யூ அருளானந்து தயாரிப்பில், பிரியேஷ் குருசாமியின் அலாதியான ஒளிப்பதிவில் தயாராகியுள்ள இந்தப் படம் வரும் அக்டோபர் இருபத்தி மூன்று, இரண்டாயிரத்து இருபத்தாறு அன்று உலகம் முழுவதும் திரையரங்குகளில் பிரமாண்டமாக வெளியாகவுள்ளது! காதல் படங்களை விரும்பிப் பார்க்கும் சினிமா பிரியர்களுக்கு இது கண்டிப்பா ஒரு தரமான ட்ரீட்!
