ஜி.வி. பிரகாஷ் + சீனு ராமசாமி கூட்டணியில் ‘இடிமுழக்கம்’ : இரண்டு அதிரடி குத்துப்பாடல்கள் ரிலீஸ்!
சீனு ராமசாமி இயக்கத்தில், ஜி.வி. பிரகாஷ் நடிப்பில் உருவாகியிருக்கும் ‘இடிமுழக்கம்’ திரைப்படத்திலிருந்து ‘கானா விளக்கு மயிலே…’ மற்றும் ‘அடி தேனி சந்தையில்…’ ஆகிய இரண்டு மாஸான குத்துப்பாடல்களின் லிரிக்கல் வீடியோக்களை சோனி நிறுவனம் வெளியிட்டுள்ளது!
கானா விளக்கு மயிலே: வைரமுத்து வரிகளில், என்.ஆர். ரகுநந்தன் இசையில், ஆண்டனி தாசன் குரலில் உருவாகியுள்ள கலக்கலான நாட்டுப்புறப் பாடல்.
அடி தேனி சந்தையில்: லா. வரதன் வரிகளில், ஆண்டனி தாசன் மற்றும் மீனாட்சி இளையராஜா இணைந்து பாடிய எனர்ஜிடிக் பாடல்.
படத்தின் சுவாரஸ்யங்கள்:
தென் மாவட்ட பின்னணியில் உருவாகியுள்ள இந்த பழிவாங்கும் ஆக்ஷன் த்ரில்லரில், ஜி.வி. பிரகாஷ் இறைச்சி கடை உரிமையாளராகவும், காயத்ரி சங்கர் செவிலியராகவும் நடித்துள்ளனர். ஸ்கைமேன் 
ஃபிலிம்ஸ் இன்டர்நேஷனல் சார்பில் கலைமகன் முபாரக் தயாரித்துள்ள இந்தப் படத்திற்கு, பிரபல எழுத்தாளர் ஜெயமோகனும் சீனு ராமசாமியும் இணைந்து வசனம் எழுதியுள்ளனர்.
சரண்யா பொன்வண்ணன், அருள்தாஸ், சௌந்தரராஜா, யோகிபாபு, பாபா பாஸ்கர் எனப் பெரிய நட்சத்திரப் பட்டாளமே இதில் களமிறங்கியுள்ளது. அசோக் ராஜ் ஒளிப்பதிவு செய்ய, சங்கத்தமிழன் படத்தொகுப்புப் பொறுப்பை ஏற்றுள்ளார். தினேஷ் மற்றும் பாபா பாஸ்கர் மாஸ்டர்களின் நடன அமைப்பில் பாடல்கள் தியேட்டரில் செம ஆட்டம் போட வைக்கும் என எதிர்பார்க்கப்படுகிறது!
