அதிரவிட வரும் ‘பெத்தி’: பிரஸ் மீட்டில் தெறித்த அப்டேட்ஸ்!

மெகா பவர் ஸ்டார் ராம் சரண் நடிப்பில், புச்சி பாபு சனா இயக்கத்தில், மிரட்டலான கிராமத்து விளையாட்டுப் பின்னணியில் உருவாகியிருக்கும் பிரம்மாண்ட பான்-இந்தியா மூவிதான் ‘பெத்தி’! வரும் ஜூன் 4ஆம் தேதி தியேட்டர்களைத் திருவிழாவாக்க வரும் இந்த அதிரடிப் படத்தின் அதிரடியான பத்திரிகையாளர் சந்திப்பு நம்ம சென்னையில் செம்ம மாஸாக நடைபெற்றது!

படக்குழுவினர் மேடையில் பகிர்ந்துகொண்ட எனர்ஜி பலத்த சுவாரசியங்கள் இதோ:

கேமரா வித்தைக்காரர் ஆர். ரத்னவேலு:

“சேது, எந்திரன் வரிசையில் இந்த ‘பெத்தி’ என் கேரியரில் செம்ம மைல்கல்! இது வெறும் படம் இல்ல, தியேட்டருக்குள் உங்களை முழுசா மூழ்கடிக்கப் போற மேஜிக். சிவராஜ்குமார் சாரோட ‘குரு’ கேரக்டர் படத்தோட ஆகப்பெரிய பலம். ராம் சரண் இந்த ரோலுக்காகத் தன் உடம்பை இரும்பு மாதிரி செதுக்கியிருக்கார். கிரிக்கெட் பிளேயர் டூ கிராமத்து இளைஞன்னு அவர் காட்டியிருக்கற அசாத்திய உழைப்பு ஸ்கிரீனில் அதிரப் போகுது. எந்திரனுக்குப் பிறகு ஏ.ஆர். ரஹ்மான் சாருடன் சேர்ந்திருப்பது டபுள் மாஸ்!”

பாலிவுட் ஸ்டார் திவ்யேந்து சர்மா:

“தெலுங்கு சினிமாவில் என் என்ட்ரியே இப்படி ஒரு மாஸ் டீமோடு அமைந்தது செம்ம பெருமை! ராம் சரண் சார் முதல் நாளே கட்டிப்பிடிச்சு கொடுத்த அன்பு மறக்க முடியாது. ஏ.ஆர். ரஹ்மான் என்கிற லெஜண்ட் பேருக்குப் பக்கத்தில் என் பெயர் வருவதே எனக்குக் கிடைத்த ஆகச்சிறந்த கௌரவம்!”

இயக்குநர் புச்சி பாபு சனா:

“சென்னைனாலே எனக்கு எப்போதுமே ஸ்பெஷல் தான்! ராம் சரண் தான் எனக்கு ‘பெத்தி’. படத்தோட செகண்ட் ஹாஃபில் அவரோட ஆக்டிங் தியேட்டரை அதிரவைக்கும். சிவராஜ்குமார் சார் – ராம் சரண் இருவருக்குமான குரு-சிஷ்யன் பாண்டிங் படத்தோட எமோஷனல் ஹார்ட் பிட். ஏ.ஆர். ரஹ்மான் சாரோட மியூசிக்கும், ரத்னவேலு சாரோட வேர்ல்ட் கிளாஸ் விஷுவல்களும் படத்தை வேற லெவலுக்குக் கொண்டு போயிருக்கு!”

கன்னட சூப்பர் ஸ்டார் சிவராஜ்குமார்:

“புச்சி பாபு கதை சொன்னதும் ராம் சரணோடு நடிக்க உடனே ஓகே சொன்னேன். இடையில் எனக்குப் புற்றுநோய் பாதிப்பு வந்தபோது எனக்காக ஒட்டுமொத்தப் படக்குழுவும் காத்திருந்தது என்னை உருகவைத்துவிட்டது. ரஹ்மான் சாருடன் இணைந்தது என் பாக்கியம். ராம் சரணின் வெறித்தனமான உழைப்பு ரசிகர்களுக்குப் பெரிய சர்ப்ரைஸா இருக்கும்!”

இசைப்புயல் ஏ.ஆர். ரஹ்மான்:

“சிரஞ்சீவி சார் என்கிற மாபெரும் ஆலமரத்தின் நிழலில் இருந்து வந்து, இன்று தனக்கெனத் தனி பேரரசை உருவாக்கி இன்னொரு ஆலமரமாக நிமிர்ந்து நிற்கிறார் ராம் சரண்! கமர்ஷியல் படங்களில் இத்தனை அர்ப்பணிப்போடு உழைக்கும் இந்த இளம்தலைமுறை தான் நமக்கு இன்ஸ்பிரேஷன். இன்று காலைதான் பின்னணி இசை வேலைகளை முடித்தோம், அவுட்புட் செம்ம திருப்தி!”

மெகா பவர் ஸ்டார் ராம் சரண்:

“சென்னை தான் நான் பிறந்து வளர்ந்த ஊர், என் அம்மாவின் ஊர். அதனால் இங்கே வந்தால் என் சொந்த வீட்டுக்கு வந்த ஃபீல் தான்! இந்த கதைக்காக இயக்குநர் புச்சி பாபு கடந்த 5 வருஷமா உழைச்சிருக்கார். ரஹ்மான் சார் தான் இந்த படத்தோட ரியல் அஸ்திவாரம். சிவராஜ்குமார் சாரோட ஸ்கிரீன் பிரசன்ஸ் ஒரு பவர்புல் தீப்பொறி!

நான் ஷூட்டிங் முடிஞ்சு வீட்டுக்கு வந்தும் ஓயாமல் ‘பெத்தி’ பத்தியே பேசிக்கிட்டிருந்தேன். ‘மகதீரா’, ‘ரங்கஸ்தலம்’, ‘ஆர்.ஆர்.ஆர்’ படங்களுக்குப் பிறகு இப்போதான் இந்த படத்தைப் பத்தி என் வீட்டில் அப்படிப் பேசினேன். என் அசைக்க முடியாத நம்பிக்கை வீண் போகாது, இது குடும்பங்கள் கொண்டாடும் எமோஷனல் வின்னர்! அண்ட், மக்கள் சேவைக்காக வந்திருக்கும் தமிழக முதல்வர் விஜய் சாருக்கு என் மனமார்ந்த வாழ்த்துகள்!”

மைத்ரி மூவி மேக்கர்ஸ், சுகுமார் ரைட்டிங்ஸ் மற்றும் விருத்தி சினிமாஸ் தயாரிப்பில், ஜான்வி கபூர், ஜகபதி பாபு எனப் பெரும் நட்சத்திரப் பட்டாளமே களமிறங்கியிருக்கும் ‘பெத்தி’, உலக அளவில் ஜூன் 4 முதல் பாக்ஸ் ஆபீஸ் வேட்டையைத் தொடங்கத் தயார்!