‘சேயோன்’: கமல், எஸ்.கே., ‘தாய்க் கிழவி’ இயக்குநர் கூட்டணியில் புதிய பிரம்மாண்டம்!
அமரன் திரைப்படத்தின் இமாலய வெற்றிக்குப் பிறகு, சிவகார்த்திகேயன் மீண்டும் ராஜ்கமல் ஃபிலிம்ஸ் இன்டர்நேஷனல் நிறுவனத்துடன் கைகோர்த்திருக்கும் ‘சேயோன்’ திரைப்படத்தின் படப்பிடிப்பு மதுரை அருகே நேற்று அதிரடியாகத் தொடங்கியுள்ளது.
‘தாய் கிழவி’ திரைப்படத்தின் மூலம் கவனம் ஈர்த்த இயக்குனர் சிவகுமார் முருகேசன் இயக்கும் இத்திரைப்படத்தை, ராஜ்கமல் ஃபிலிம்ஸ் இன்டர்நேஷனல் மற்றும் டர்மரிக் மீடியா நிறுவனங்கள் சார்பில் உலகநாயகன் கமல்ஹாசன் மற்றும் ஆர்.மகேந்திரன் இணைந்து பிரம்மாண்டமாகத் தயாரிக்கின்றனர்.
சிவகார்த்திகேயன் மற்றும் மிரட்டல் இசையமைப்பாளர் சந்தோஷ் நாராயணன் கூட்டணி, ராஜ்கமல் ஃபிலிம்ஸ் நிறுவனத்துடன் இணைவது இதுவே முதல் முறை என்பதால் படத்தின் பாடல்கள் மீதான எதிர்பார்ப்பு இப்போதே எகிறியுள்ளது. இந்தத் திரைப்படத்தில் சிவகார்த்திகேயனுக்கு ஜோடியாக பாக்யஸ்ரீ போர்ஸ் நாயகியாக நடிக்கிறார்.
கிராமியப் பின்னணியில் அதிரடி, உணர்வுபூர்வமான தருணங்கள் மற்றும் குடும்பங்கள் கொண்டாடும் ஒரு கமர்ஷியல் என்டர்டெய்னராக உருவாகும் இத்திரைப்படத்தின் படப்பிடிப்பை உலகநாயகன் கமல்ஹாசன் நேரில் கலந்துகொண்டு கைதட்டி தொடங்கி வைத்தார்.
கோபுரம் பிலிம்ஸ் அன்புசெழியன் முன்னிலையில் நடைபெற்ற இந்த பிரம்மாண்டமான பூ பூஜை மற்றும் தொடக்க விழாவில் படக்குழுவினர், தயாரிப்பாளர்கள் மற்றும் தொழில்நுட்பக் கலைஞர்கள் எனப் பலரும் கலந்துகொண்டு தங்களின் வாழ்த்துகளைப் பகிர்ந்துகொண்டனர். சிவகார்த்திகேயனின் புதிய மாஸ் அவதாரமாக உருவாகும் இத்திரைப்படம் தியேட்டர்களை அதிரவைக்கப்போவது உறுதி!
