சீனு ராமசாமியின் ‘கோழிப் பண்ணை செல்லதுரை’: பன்னாட்டு திரைப்பட விழாவில் தேர்வு!

விஷன் சினிமா ஹவுஸ் சார்பாக டாக்டர் அருளானந்து தயாரிக்க, தேசிய விருது இயக்குநர் சீனு ராசமசாமி இயக்கத்தில் அறிமுக நாயகன் ஏகன், யோகிபாபு, சகாயபிரிகிடா உள்ளிட்டோர் நடித்துள்ள படம், ‘கோழிப் பண்ணை செல்லதுரை’.

என். ஆர்.ரகுநந்தன் இசையமைக்க, அசோக் குமாரின் ஒளிப்பதிவு செய்யும் இப்படத்துக்கு  ஸ்ரீகர் பிரசாத் படத்தொகுப்பு செய்கிறார்.இத்  திரைப்படம் அமெரிக்காவில் நடைபெறும் ஆக்லெண்ட் பன்னாட்டு திரைப்பட விழாவில் திரையிட  தேர்வு செய்யப்பட்டு உள்ளது.

செப்டம்பர் 12 முதல் 21 வரை நடைபெறும் இத்திருவிழாவில் 18ம் தேதி இரவு 8.00 மணிக்கு கோழிப்பண்ணை செல்லதுரை ‘வோர்ல்டு ப்ரீமியர்’ அந்தஸ்தில் திரையிடப்படுகிறது.

22 ஆண்டு களாக நடைபெறும் ஆக்லெண்ட் பன்னாட்டு திரைப்பட விழாவில் இது வரை தமிழ் திரைப்படங்கள் தேர்வு செய்யப்பட்டதில்லை என்பது குறிப்பிடத்தக்கது.

இது குறித்து தயாரிப்பாளர் டாக்டர் அருளானந்து, “கோழிப் பண்ணை செல்லதுரை திரைப்படம் செப்டம்பர் 20ஆம் தேதி திரையரங்குகளில் வெளியாக உள்ள நிலையில், இரு நாள் முன்பாக அமெரிக்காவில் புகழ் வாய்ந்த சர்வதேச திரைப்பட விழாவில் திரையிடப்படுவது பெருமையாக இருக்கிறுது” என்று தெரிவித்தார்.