‘அலங்கு’ பட டிரெய்லரை வெளியிட்டு வாழ்த்திய ரஜினி!
பா.ம.க. தலைவர் அன்புமணி ராமதாஸ் மகள் சங்கமித்ரா சௌமியா, டி.சபரிஷ் ஆகியோர் இணைந்து, அலங்கு என்கிற படத்தைத் தயாரிக்கின்றனர். உறுமீன், பயணிகள் கவனிக்கவும் முதலிய படங்களை இயக்கிய எஸ்.பி. சக்திவேல் இயக்குகிறார்.
இப்படத்தில் மலையாள நடிகர் செம்பன் வினோத், காளி வெங்கட், சரத் அப்பானி, ஸ்ரீரேகா, கொற்றவை, ரெஜின் ரோஸ், சண்முகம் முத்துசாமி என பலர் முக்கிய கதாபாத்திரத்தில் நடித்துள்ளனர். இவர்களுடன் நாய் ஒன்றும் முக்கிய கதாபாத்திரத்தில் நடித்துள்ளது. படத்துக்கு எஸ் பாண்டி குமார் ஒளிப்பதிவு செய்திருக்கும் நிலையில், அஜீஷ் இசை அமைத்துள்ளார்.
தமிழக – கேரள எல்லை பகுதியை ஒட்டிய வனப்பகுதியில் நடந்த உண்மை சம்பவங்களின் அடிப்படையில் முற்றிலும் ஆக்சன் டிராமாவாக இப்படம் உருவாகி இருக்கிறது. கேரளாவை சேர்ந்த அரசியல்வாதி குழுவுக்கும் , தமிழக பழங்குடி இனத்தை சேர்ந்த இளைஞர் குழுவுக்கும் இடையே நடக்கும் சம்பவங்கள் தான் திரைப்படத்தின் மையம்.
ஆகவே படத்தின் மீதான எதிர்பார்ப்பு அதிகரித்து உள்ளது.
இந்த படம் வருகின்ற டிசம்பர் 27-ம் தேதி திரைக்கு வரவிருக்கும் நிலையில், படத்தின் ட்ரெய்லரைரஜினிகாந்த் வெளியிடுவார் என கூறப்பட்டது. அதன்படி நடிகர் ரஜினிகாந்த்தை படக்குழு நேரில் சந்தித்தது. படத்தின் டிரெய்லரை வெளியிட்ட ரஜினி, டிரெய்லரை பார்த்து பாராட்டினார்.
ட்ரெய்லர் வெளியாகி ரசிகர்களிடம் வரவேற்பை பெற்றுவருகிறது.
