பெத்தி: பாக்ஸ் ஆபீஸ் ‘ஹிட்’ அடித்தாரா ராம் சரண்?

ஆர்ஆர்ஆர் படத்தின் பிரம்மாண்ட வெற்றிக்குப் பிறகு, கிட்டத்தட்ட இரண்டு ஆண்டுகள் செதுக்கப்பட்ட ராம் சரணின் ‘பெத்தி’ தியேட்டர்களில் ஆஜராகியிருக்கிறது. இயக்குநர் புச்சி பாபு சனா கூட்டணியில், ஏ.ஆர். ரஹ்மான் இசையில் உருவான இந்த படம் ரசிகர்களின் எதிர்பார்ப்பைப் பூர்த்தி செய்ததா?

ஒன்லைன் ஸ்டோரி:

விளையாட்டுத் துறையில் நம் நாடு ஏன் பின்தங்கியிருக்கிறது என அமைச்சர் ஃபீல் பண்ண, திறமையான வீரர்களைத் தேடி விஜயநகரத்திற்கு வருகிறார் தேர்வுக் குழு அதிகாரி பொம்மன் இரானி. அங்கே ஒட்டுமொத்த ஏரியாவும் ‘பெத்தி’ என்ற பெயரை உத்வேகமாகச் சொல்ல, யார் அந்த பெத்தி என ஃப்ளாஷ்பேக் கதவுக்குள் நுழைகிறது படம்.

அடிப்படை வசதிகளே இல்லாத ஒரு மலையடிவாரக் கிராமத்தைச் சேர்ந்த படிப்பறிவில்லாத இளைஞன் தான் பெத்தி (ராம் சரண்). லோக்கல் கிரிக்கெட் மேட்ச்களில் காசுக்கு விளையாடும் ‘வாடகை ஆட்டக்காரர்’. பெத்தி பேட்டை சுழற்றினால் சிக்ஸர், களம் இறங்கினால் விக்டரி!

இன்னொரு பக்கம், கிராமத்திற்கு ஒரு ரயில் நிலையம் வேண்டும், அதன் மூலம் கல்வி, மருத்துவம் கிடைக்க வேண்டும் என சிவப்புக்கொடியோடு போராடுகிறார் சூரி (ஜெகபதி பாபு). இடையில் நகராட்சித் தேர்தல் அரசியல், லோக்கல் கோஷ்டி மோதல்கள் என பெத்தியை முடக்க சதி நடக்கிறது. இதையெல்லாம் தாண்டி, பெத்தி எப்படி ஒரு மல்யுத்த வீரனாக மாறி தன் கிராமத்தின் சுயமரியாதையைக் காப்பாற்றினார் என்பதே மீதிக்கதை!பிளஸ் & மைனஸ்: ஒரு குவிக் லுக்

ஃபைனல் வேர்டிக்ட்:

இந்தியாவில் இன்னும் சாலை, மின்சாரம் இல்லாத பழங்குடியின கிராமங்களின் வலியைப் பேச நினைத்ததில் இயக்குநரின் நேர்மை தெரிகிறது. ஆனால், கமர்ஷியல் எலிமெண்ட்டுகளான ஓப்பனிங் சாங், ஐட்டம் டான்ஸ் போன்றவை கதையின் ஆன்மாவைக் கொஞ்சம் கலைக்கின்றன.

கதையாக்கத்தில் இன்னும் கொஞ்சம் கவனம் செலுத்தியிருக்கலாம் என்ற குறை இருந்தாலும், இது முழுக்க முழுக்க ராம் சரணின் தனி ஒருவன் ஆட்டம்! அவரது சினிமா கரியரில் இந்த உழைப்பு நிச்சயம் பேசப்படும்.