‘பப்பாளி பழமே..’: பட்டையக் கிளப்பும் மீசைய முறுக்கு-2 இரண்டாவது சிங்கிள்!

 ஆதி என்றாலே எனர்ஜி, எனர்ஜி என்றாலே ஆதிதான்! ஹிப்ஹாப் தமிழாவின் இயக்கத்திலும் நடிப்பிலும் உருவான மீசைய முறுக்கு திரைப்படம் இளைஞர்களின் ஆல்-டைம் ஃபேவரிட். அந்த அதிரடி வெற்றியைத் தொடர்ந்து, இப்போது அதன் இரண்டாம் பாகம் மீசைய முறுக்கு-2 தயாராகி வருகிறது. படத்தின் முதல் பாடல் ‘ஆரா பத்துக்கு பத்து’ உலக அளவில் ட்ரெண்ட் ஆகி இணையத்தைக் கலக்கிய நிலையில், இப்போது இரண்டாவது அதிரடி சரவெடியாக பப்பாளி பழமே பாடல் வெளியாகியுள்ளது!

கானா ஸ்டைலில் ஒரு கலக்கல் ஆட்டம்!

புதன் கிழமை மாலை வெளியான இந்தப் பாடல், கேட்ட உடனே கால்கள் தானாக ஆடும் ரகம். கானா வினோத், கானா தரணி மற்றும் ஹிப்ஹாப் தமிழா ஆகிய மூவரும் இணைந்து பாடியிருக்கும் இந்தப் பாடல், பக்கா லோக்கல் கானா ஸ்டைலில் துள்ளலாக உருவாகியுள்ளது.

• இசை: ஹிப்ஹாப் தமிழா ஆதி

• நடனம்: மாஸ்டர் பாபா பாஸ்கர்

• பாடியவர்கள்: கானா வினோத், கானா தரணி, ஹிப்ஹாப் தமிழா

நட்சத்திரப் பட்டாளம்

இந்தத் திரைப்படத்தில் ஆதிக்கு ஜோடியாக பாலிவுட் அழகி கேட்டிகா சர்மா மற்றும் சைத்ரா ஜே. ஆச்சார் நடித்துள்ளனர். இவர்களுடன் யோகி பாபுவின் காமெடி, கருணாஸ், நாசர் மற்றும் ‘ஆடுகளம்’ நரேன் என ஒரு பெரிய நட்சத்திரப் பட்டாளமே களமிறங்கியுள்ளது. பென்ஸ் மீடியா மற்றும் அவ்னி மூவிஸ் இணைந்து தயாரிக்கும் இந்தப் படம், பக்கா கமர்சியல் விருந்தாக இருக்கும் என்பதில் சந்தேகமே இல்லை.

இறுதிக்கட்டப் பணிகள் விறுவிறுப்பாக நடந்து வரும் நிலையில், இந்த பப்பாளி பழமே பாடல் இப்போது சமூக வலைதளங்களில் ரீல்ஸ் மற்றும் வீடியோக்களில் வைரலாகி வருகிறது. ஆதியின் ஹிட் லிஸ்ட்டில் இந்தப் பாடலும் இணைந்துவிட்டது!