சூப்பர் ஹிட்: தொடர்ந்து மாஸ் காட்டும் ‘மதராஸி’!

அமரன் படத்தின் வெற்றிக்கு பிறகு சிவகார்த்திகேயன் யாருடன் கூட்டணி அமைப்பார் என்ற பெரிய எதிர்ப்பார்ப்பு இருக்க மதராஸி படத்தில் ஏ.ஆர்.முருகதாஸுடன் இணைந்தார். இதனால் எதிர்பார்ப்பு எகிறியது.

அனிருத் தான் இசை என்பதும் கூடுதல் எதிர்பார்ப்புக்கு காரணமானது. படத்தின் டீசர், பாடல்கள் வெளியாகி ரசிகர்களின் ஏகோபித்த ஆதரவைப் பெற்றன.

இந்த நிலையில், கடந்த செப்டம்பர் 5ம் தேதி வெளியான இப்படம் தமிழ், தெலுங்கு, கன்னடம், மலையாளம் என பல மொழிகளில் ரிலீஸ் ஆனது.

மதராஸி திரைப்படம் 4 நாட்களில் உலகம் முழுவதும் ரூ. 70 கோடிக்கு மேல் வசூல் வேட்டை செய்துள்ளது.

தமிழகத்தில் மட்டுமே இப்படம் ரூ. 42கோடி வரை வசூல் வேட்டை நடத்தியுள்ளதாம். படத்திற்கு நல்ல விமர்சனங்கள் வந்திருப்பதால் வரும் நாட்களிலும் படத்திற்கான வசூல் அதிகரிக்கும் என கூறப்படுகிறது.