அரசுப் பணி கனவா? அதிகார மோசடியா? அனல் பறக்கும் ‘எக்ஸாம்’! அதிரடி முன்னோட்டம் வெளியீடு!

டிஜிட்டல் திரையுலகின் ஜாம்பவான் பிரைம் வீடியோவில், மே மாதம் 15-ஆம் தேதி முதல் சஸ்பென்ஸ் அதிரடியாகத் துவங்கப்போகிறது! புஷ்கர் & காயத்ரியின் வால்வாட்சர் ஃபிலிம்ஸ் தயாரிப்பில், தேசிய விருது பெற்ற இயக்குநர் ஏ. சற்குணம் இயக்கத்தில் உருவாகியுள்ள ‘எக்ஸாம் – EXAM’ இணையத் தொடரின் முன்னோட்ட வெளியீட்டு விழா சென்னையில் கோலாகலமாக நடைபெற்றது.

போட்டித் தேர்வுகளின் பின்னணியில் நடக்கும் முறைகேடுகளைத் திரில்லர் பாணியில் தோலுரிக்கும் இந்த 7 அத்தியாயத் தொடர், ரசிகர்களை இருக்கை நுனியில் அமர வைப்பது உறுதி!

தயாரிப்பாளர் புஷ்கர்: “சற்குணத்தின் திரைக்கதை மேஜிக்!”

“களவாணி படம் மூலமே சற்குணம் ஒரு சாதனையாளர் என நிரூபித்துவிட்டார். பொதுவாக சினிமாவுக்கும் வெப்சீரிஸுக்கும் பெரிய வித்தியாசம் உண்டு. ஆனால், சற்குணம் சொன்ன இந்தக் கதையில் ‘ஜான்சி சிக்குவாளா இல்லையா?’ என்ற அந்தப் பதற்றம் ஒவ்வொரு அத்தியாயத்திலும் இருந்தது. ஒரு நீண்ட வடிவத் தொடருக்குத் தேவையான விறுவிறுப்பு இதில் அணு அணுவாக இருக்கிறது. சற்குணத்தின் தெளிவான திட்டமிடல் எங்களை வியக்க வைத்தது.”

இயக்குநர் காயத்ரி: “அதிதி – துஷாரா – அப்பாஸ்: இது ஒரு மிரட்டல் காம்போ!”

“இந்தக் கதைக்காகத் திறமையான கலைஞர்களைத் தேடியபோது துஷாராவும் அதிதியும் தான் எங்கள் முதல் சாய்ஸ். குறிப்பாக, ஒரு வருடத்திற்கு முன் திடீரென வீடியோ காலில் வந்த நடிகர் அப்பாஸை, நீண்ட இடைவேளைக்குப் பிறகு ஒரு முக்கியமான கதாபாத்திரத்தில் களமிறக்கியுள்ளோம். புதுமுகத் தொழில்நுட்பக் கலைஞர்களின் உற்சாகம் இந்தத் தொடருக்குப் பெரிய பலம்.”

இயக்குநர் ஏ. சற்குணம்: “நடுத்தர மக்களின் கனவு… ஒரு திரில்லர் பயணம்!”

“நடுத்தர வர்க்கத்து மக்களின் மிகப்பெரிய கனவு அரசு வேலை. அதில் நடக்கும் முறைகேடுகளை வெறும் பதிவாக இல்லாமல், ‘அடுத்து என்ன நடக்கும்?’ என்ற எதிர்பார்ப்பைத் தூண்டும் விதமாக ஏழு அத்தியாயங்களாகச் செதுக்கியுள்ளேன். புஷ்கர் & காயத்ரி எனக்குக் கொடுத்த சுதந்திரம் தான் இந்தத் தொடரை இவ்வளவு தரமாக உருவாக்கக் காரணம். இயக்குநருக்கும் தயாரிப்பாளருக்கும் இடையே எந்தக் கருத்து முரணும் இல்லாமல் மகிழ்ச்சியாகப் பணியாற்றிய முதல் படைப்பு இதுதான்.”

நடிகை துஷாரா விஜயன்: “ஜான்சி – ஒரு அமைதியான புயல்!”

“சார்பட்டா பரம்பரைக்குப் பிறகு மீண்டும் பிரைம் வீடியோவில் அறிமுகமாவது மகிழ்ச்சி. நான் நடித்த ‘ஜான்சி’ கதாபாத்திரம் மிகவும் அப்பாவி, ஆனால் இக்கட்டான நேரத்தில் கடினமான முடிவுகளை எடுப்பவள். ஸ்டண்ட் மாஸ்டர் தினேஷ் இயக்கத்தில் சண்டைக் காட்சிகளில் நடித்தது சவாலாகவும் சுவாரஸ்யமாகவும் இருந்தது. இந்தக் கதாபாத்திரம் என்னைத் தேர்ந்தெடுத்ததாகவே கருதுகிறேன்.”

நடிகை அதிதி பாலன்: “சண்டைக்கட்சிகளில் பட்டையக் கிளப்பும் மரமல்லி!”

“சற்குணம் சாரின் மிகப்பெரிய ரசிகை நான். இதில் நான் நடித்த ‘மரமல்லி’ கதாபாத்திரம் சற்று வில்லத்தனத்துடன் தொடங்கும். இதற்காகப் பல உடல் ரீதியான பயிற்சிகளையும், சண்டைப் பயிற்சிகளையும் மேற்கொண்டேன். படப்பிடிப்பில் எனக்கும் துஷாராவுக்கும் இடையே நடந்த சண்டைக் காட்சிகளில் நிறைய அடி வாங்கினோம், கொடுத்தோம்! இது ஒரு புதுமையான அனுபவம்.”

தொழில்நுட்பக் கூட்டணி: