“மாளவிகாவை இப்படி ஆக்கிட்டாரே டைரக்டர் மித்ரன்!”: சர்தார் 2 மேடையில் கார்த்தி கலகல!

திரையுலகப் பிரபலங்கள் மற்றும் ரசிகர்கள் முன்னிலையில் ‘சர்தார் 2’ திரைப்படத்தின் இசை மற்றும் முன்னோட்ட வெளியீட்டு விழா சென்னையில் கோலாகலமாக நடைபெற்றது. விழா மேடையில் படக்குழுவினர் பகிர்ந்துகொண்ட சுவாரஸ்யமான கருத்துகளின் தொகுப்பு:

• தயாரிப்பாளர் லக்ஷ்மன் குமார்: ஆழித் திருத்தேரை இழுப்பது போன்ற பிரம்மாண்ட முயற்சியை மேற்கொண்டு இதை உருவாக்கியுள்ளோம். கார்த்தியின் ஒத்துழைப்பும் மித்ரனின் நேர்த்தியான இயக்கமும் படத்தின் மிகப்பெரிய பலம்.

• நடிகர் சூர்யா: டீசரைப் பார்த்தபோது ஏதோ சர்வதேச திரைப்படம் என்று நினைத்தேன், திடீரென கார்த்தி உள்ளே வந்ததும் வியந்துபோனேன். உண்மைச் சம்பவங்களை அடிப்படையாகக் கொண்ட சிறந்த ஸ்பை த்ரில்லராக மித்ரன் இதை உருவாக்கியுள்ளார்.

• இயக்குநர் பி. எஸ். மித்ரன்: கார்த்தியுடன் பணியாற்றும்போது நம் பொறுப்புணர்வை அவரே கூர்மைப்படுத்துவார். 17 நிமிட ஆடியோ மெசேஜ் அனுப்பி சந்தேகங்களைக் கேட்கும் அளவுக்கு எஸ். ஜே. சூர்யா அசாத்திய உழைப்பைக் கொடுத்துள்ளார்.

• நடிகர் எஸ். ஜே. சூர்யா: ஆரம்ப காலத்தில் குரல் வளம் இல்லை என்று நிராகரிக்கப்பட்ட மேடைகளைத் தாண்டி, சாம் சி.எஸ்-ன் 100-வது படத்தில் இணைந்தது பெருமை. பின்னணி இசையில் மித்ரனின் இசை அறிவு வியக்க வைத்தது.

• நடிகை மாளவிகா மோகனன்: முதல் நாளிலேயே உயரத்தில் இருந்து குதிக்கும் ஆக்‌ஷன் காட்சியில் நடித்தது மறக்க முடியாத அனுபவம். கார்த்தியின் அர்ப்பணிப்பும் எளிமையும் உடன் பணியாற்றுவதை எளிதாக்கியது.

• நடிகர் கார்த்தி: மாளவிகாவை மோனிகா பெலூச்சி போல் காட்டி ரொமான்ஸ் வைப்பார்கள் என்று பார்த்தால் எனக்கு பாஸ் ஆக்கிவிட்டார் மித்ரன். பிளாஸ்டிக் பாட்டில் பயன்பாடு மற்றும் ஆரோக்கியம் குறித்த அதிர்ச்சி உண்மைகளை இந்தப் படம் பேசும். எஸ். ஜே. சூர்யாவின் எனர்ஜியை யாராலும் நகலெடுக்க முடியாது.