‘விடாமுயற்சி’:  அஜர்பைஜானில் படப்பிடிப்பு நிறைவு!

லைகா தயாரிப்பில் மகிழ் திருமேனி இயக்க அஜித் நாயகனாக நடிக்கும் படம் விடா முயற்சி. த்ரிஷா, அர்ஜுன், ரெஜினா, ஆரவ் உட்பட பலர் நடிக்கின்றனர். இதன் படப்பிடிப்பு கடந்த வருடம் அஜர்பைஜானில் துவங்கியது.

இதற்கிடையே ஆதிக் ரவிச்சந்திரன் இயக்கத்தில் ‘குட் பேட் அக்லி’ படத்தில் அஜித் இணைந்தார். இதன் படப்பிடிப்பு ஹைதராபாத் நகரில் நடைபெற்றது.

இந்நிலையில் கடந்த மாதம் அஜர்பைஜானில் விடாமுயற்சி படத்தின் படப்பிடிப்பு பணிகள் மீண்டும் தொடங்கியது. இதில் கிளைமாக்ஸ் உட்பட முக்கிய காட்சிகள் எடுக்கப்பட்டதாக தகவல்.

சுமார் 30 நாட்கள் படப்பிடிப்பு நடைபெற்ற நிலையில் அஜர்பைஜான் ஷெட்யூல் நிறைவடைந்தாக படக்குழு அறிவித்து உள்ளது. இது தொடர்பாக சமூக வலைதளத்தில் புகைப்படம் மற்றும் வீடியோ ஒன்றை பகிர்ந்துள்ளது. அதில் நடிகர் அஜித் உட்பட படக்குழுவினர் இடம்பெற்றுள்ளனர்.