“வஞ்சம் தீர்”: மனதின் ஆவேசத்தை வெற்றியாக மாற்றும் மந்திர ஆல்பம்!

மனதின் ஆழத்தில் புதைந்திருக்கும் கோபம், வஞ்சம், ஏமாற்றம்… இவை எல்லாவற்றையும் ஒரு நேர்மறை சக்தியாக மாற்றினால் என்ன? இந்தக் கேள்வியின் விடைதான் தற்போது சமூக வலைதளங்களை அதிரவைத்து வரும் “வஞ்சம் தீர்” ஆல்பம் பாடல்!

கதைக்களம் என்ன?

“ஒவ்வொருவர் மனதிற்குள்ளும் ஒரு சாத்தான் ஒளிந்திருக்கிறது, அது வேதம் பேசினால் எப்படியிருக்கும்?” – இந்த அட்டகாசமான சிந்தனையை மையமாக வைத்துதான் இந்தப் பாடல் உருவாக்கப்பட்டுள்ளது. “வாழ்ந்து காட்டி வஞ்சம் தீர்” என்ற ஒற்றை வரியில், வாழ்க்கையில் சந்திக்கும் அவமானங்களை பழிவாங்கும் செயலாக மாற்றாமல், வெற்றியாக மாற்றிக் காட்டுவதே உண்மையான பதிலடி என்பதைப் படம் பிடித்துக் காட்டுகிறது.

குழுவின் அதிரடி!

இயக்குநர் நிதிலன் சுவாமிநாதனிடம் ‘மகாராஜா’ படத்தில் உதவி இயக்குநராகப் பணியாற்றிய புஷ்பநாதன் ஆறுமுகம், இந்த ஆல்பத்தை எழுதி, இயக்கி, தயாரித்து பட்டையைக் கிளப்பியுள்ளார். தனது சொந்த வாழ்க்கைப் போராட்டங்களிலிருந்து கிடைத்த பாடங்களை அவர் அழகாக இதில் வடித்திருக்கிறார்.

அருண்ராஜா காமராஜின் மிரட்டல் அவதாரம்!

பாடலைப் பாடியது மட்டுமின்றி, முற்றிலும் மாறுபட்ட “சாத்தான்” வேடத்தில் அருண்ராஜா காமராஜ் மிரட்டியிருக்கிறார். அந்த சிவப்பு நிற உடை, மிரட்டலான தோற்றம் எனப் பார்த்ததும் ஒரு நிமிடம் நம் மனதுடன் நாமே பேசும் உணர்வை இந்த ஆல்பம் தருகிறது. இசையமைப்பாளர் டோனி பிரிட்டோவின் துள்ளலான இசையும், அதிரடி பின்னணி ஒலிகளும் பாடலின் வீரியத்தை உச்சத்திற்குக் கொண்டு சென்றுள்ளன.தொழில்நுட்பத்தின் பிரம்மாண்டம்!

ஒளிப்பதிவு, கலை இயக்கம், அனிமேஷன் எனப் படக்குழுவினர் ஒவ்வொருவரும் பாடலின் உணர்வை உலகத் தரத்திற்கு உயர்த்தியுள்ளனர். ரதி ராதிகாவின் மேக்கப் பணியில் அருண்ராஜா காமராஜ் அச்சு அசலான சாத்தானாகவே மாறியது கூடுதல் சிறப்பு!

வெளியான குறுகிய காலத்திலேயே இளைஞர்கள் மத்தியில் பெரும் வரவேற்பைப் பெற்றுள்ள இந்தப் பாடல், பழிவாங்கும் எண்ணத்தை வெற்றியாக மாற்றத் துடிக்கும் ஒவ்வொருவருக்கும் ஒரு உத்வேகம்!

பாடல் இதோ: https://youtu.be/6cY-B-GDYoo