‘கிங்’ பட ‘தூ மில் ஜாயே’ பாடல் ரிலீஸ்! ஷாருக் பிறந்தநாள் கொண்டாட்டம்!

ஷாருக்கானின் பிறந்தநாள் என்றாலே ரசிகர்களுக்குக் கொண்டாட்டம்தான்; ஆனால் இந்த முறை கொண்டாட்டத்தின் எல்லையே மாறிவிட்டது! பாலிவுட் சூப்பர் ஸ்டார் ஷாருக்கான் தனது பிறந்தநாளைக் கொண்டாடும் விதமாக, உலகமே ஆவலோடு எதிர்பார்த்துக் காத்திருந்த ‘கிங்’ திரைப்படத்தின் முதல் பாடலான ‘தூ மில் ஜாயே – Tu Mil Jaaye’ பாடலை வெளியிட்டுத் திரையுலகையே அதிர வைத்துள்ளார்.

ஒரு ராஜாவைப் போல் எப்படி நேசிக்க வேண்டும், எப்படி வீழ்த்த வேண்டும் என்பதைத் தனது கம்பீரமான ஸ்டைலில் அவர் உலகிற்குப் பறைசாற்றியிருக்கும் இந்தப் பாடல், தற்போது பட்டிதொட்டியெங்கும் பட்டையைக் கிளப்பி வருகிறது. காதல், ஆக்ஷன், மிரட்டலான திகைப்பூட்டும் தருணங்கள் என அனைத்தும் கலந்த ஒரு மாபெரும் சினிமா விருந்தாக இது அமோகமாக வந்து இறங்கியுள்ளது.

இந்தப் பாடலின் முதல் நொடியே ஷாருக்கானின் அதிரடியான குரலில் “நான் கொலையாளி அல்ல, காதலன்; என் இலக்கு என் காதலி. இதயத்தைத் துளைக்காதவன் என்ன காதலன்?..” என்ற வசனத்துடன் தொடங்குவது ரசிகர்களை சிலிர்க்க வைக்கிறது. அதைத் தொடர்ந்து தொடங்கும் துள்ளலான காதல் நடனமும், திரையை அதிரவைக்கும் காட்சியமைப்புகளும் ஒட்டுமொத்த பாலிவுட்டையும் மிரளச் செய்துள்ளன.

தமிழ், ஹிந்தி என அனைத்து மொழி ரசிகர்களையும் தன் வசப்படுத்தும் வகையில் அமைந்துள்ள இப்படம், இதுவரை கண்டிராத ஒரு புதிய சினிமா உலகைக் கண்முன்னே நிறுத்துகிறது. திரையில் ஷாருக்கானும் தீபிகா படுகோனும் ஜோடி சேர்ந்தாலே அங்கே ஒரு மாயாஜாலம் நிகழும்; அது இந்தப்பாடலிலும் நூறு சதவீதம் நிரூபணமாகியுள்ளது. அவர்களின் கண்கவர் கெமிஸ்ட்ரியும், காட்சியின் பிரம்மாண்டமும் ரசிகர்களைக் குதுகலப்படுத்தியுள்ளது.

இந்த உலகளாவிய இசை விருந்தின் பின்னணியில் பல ஜாம்பவான்களின் உழைப்பு ஒன்று சேர்ந்துள்ளது. இந்திய இசையுலகின் முன்னணிப் பாடகரான அர்ஜித் சிங்கின் தேன் போன்ற குரலும், உலகப்புகழ்பெற்ற பாப் இசை நட்சத்திரம் எட் ஷீரனின் மிரட்டலான ராப் இசைப் பாணியும் இணைந்து இந்தப்பாடலை வேறு ஒரு லெவலுக்குக் கொண்டு சென்றுள்ளன.

இவற்றுடன் மதுபந்தி பாக்ஸியின் மந்திரக் குரலும் சேர்ந்துகொள்ள, கேட்போர் அனைவரும் மெய்மறந்து போதைக்குள் ஆழ்கிறார்கள். சச்சின் – ஜிகர் கூட்டணியின் துள்ளலான இசை, குமாரின் அர்த்தம் பொதிந்த வரிகள், பியூஷ் – ஷாஜியாவின் மிரட்டலான நடன இயக்கம் என ஒவ்வொரு துறையும் தனது உச்சகட்ட பங்களிப்பை வழங்கி இந்தப்பாடலைச் செதுக்கியுள்ளனர்.

பாடலின் நடுவே ஷாருக்கான் பேசும், “இந்த முறை இதயத்தில் நெருப்பு பற்றிக் கொண்டது; உலகத்தையே எரித்து விடாமல் நான் ஓயமாட்டேன்!” என்ற வசனம் படத்தின் மீதான எதிர்பார்ப்பை அக்குமேக உயர்த்தியுள்ளது. அதிரடிச் சண்டைக் காட்சிகள், நேர்த்தியான கேமரா கோணங்கள், பிரம்மாண்ட செட்டுகள் என ஒரு சாதாரண பாடல் வெளியீட்டைத் தாண்டி உலகத்தரமான ஒரு திரையரங்க அனுபவத்தைத் தந்துள்ளது ‘தூ மில் ஜாயே’.

இயக்குநர் சித்தார்த் ஆனந்த் தனது ஸ்டைலான மேக்கிங்கால் படத்தை வேறொரு தளத்திற்கு எடுத்துச் சென்றுள்ளார். ரெட் சில்லீஸ் என்டர்டெய்ன்மெண்ட் மற்றும் மார்ஃப்ளிக்ஸ் பிக்சர்ஸ் நிறுவனங்களின் தயாரிப்பில் உருவாகியுள்ள ‘கிங்’ திரைப்படம், எதிர்வரும் டிசம்பர் 24ஆம் தேதி உலகம் முழுவதும் கோலாகலமாகத் திரையரங்குகளில் வெளியாகவிருக்கிறது. ஜீ மியூசிக் கம்பெனி மற்றும் டி-சீரிஸ் யூடியூப் சேனல்களில் சக்கைப்போடு போட்டு வரும் இந்தப் பாடல், தற்போது அனைத்து முன்னணி இசைத் தளங்களிலும் கிடைக்கின்றது; பாட்ஷாவின் ராஜ்ஜியம் அதிகாரப்பூர்வமாகத் தொடங்கிவிட்டது!