வெற்றி வீரன் மகாலிங்கம் இயக்கத்தில் ‘பூ காய் கனி’: படப்பிடிப்பு துவங்கியது!
வெற்றி வீரன் மகாலிங்கம் அவர்களின் சுடச்சுட இயக்கத்தில், பழையனூர் சந்தனம் படகம்பெனி சார்பில் ராஜேஸ்வரி வெற்றிவீரன் தயாரிக்கும் ‘பூ காய் கனி’ திரைப்படத்தின் படப்பிடிப்பு செம கெத்தாகத் தொடங்கியுள்ளது!
விருதுநகர் மாவட்டத்தின் நரிக்குடி ஒன்றியத்தில் அமைந்திருக்கும் இலுப்பைகுளம் கிராமத்துச் சொக்காயி அம்மன் கோவிலில், முறைப்படி சிறப்பு பூஜையுடன் கேமராக்கள் சுழல ஆரம்பித்துள்ளன.
இப்படத்தில் கதையின் நாயகனாக மிதுன் சக்கரவர்த்தி களமிறங்க, நமக்கு மிகவும் பரிச்சயமான கொட்டாச்சியின் செல்ல மகள் மானஸ்வி கதாநாயகியாக அசத்தப் போகிறார். இவர்களுடன் பல பிரபல நடிகர்களும், திறமையான தொழில்நுட்பக் கலைஞர்களும் கைகோர்க்கின்றனர். இதில் ஹைலைட் என்னவென்றால், நாடக மேடைகளில் தன் நகைச்சுவையால் கலக்கி வரும் பபூன் காமிக் மருதமணி அவர்கள் இத்திரைப்படம் மூலமாக வெள்ளித்திரையில் முதன்முறையாக அறிமுகமாகிறார்!
