டாப் கியரில் ‘இதயம் முரளி’: அப்பாவை நினைத்து நெகிழ்ந்த அதர்வா!

பாணா காத்தாடி படம் மூலம் என்ட்ரி கொடுத்து, பரதேசி படம் வழியாய் மிரட்டல் ஆக்டிங் காட்டிய அதர்வா, இப்போது ‘இதயம் முரளி’ படம் மூலம் தியேட்டர்களில் டீசன்ட் ஹிட் அடித்திருக்கிறார்! அறிமுக இயக்குநர் ஆகாஷ் பாஸ்கரன் இயக்கத்தில், தமனின் மியூசிக்கில் வெளியான இந்தப் படம், 90ஸ் கிட்ஸ்களுக்கு ஒரு செம நாஸ்டாலஜியா ஃபீல் குட் ரைடாக அமைந்தது. இந்நிலையில், படத்திற்கு சப்போர்ட் செய்த மீடியா மற்றும் ரசிகர்களுக்கு தேங்க்ஸ் சொல்லும் விதமாகப் படக்குழு ஒரு பிரஸ் மீட் அரேஞ்ச் செய்திருந்தது. அதில் அதர்வா பேசிய உருக்கமான பேச்சு அனைவரையும் நெகிழ வைத்தது.அப்பாவுக்காக… மேடையில் உருகிய அதர்வா!

நிகழ்வில் மைக் பிடித்த அதர்வா தன் தந்தை முரளியை நினைவுகூர்ந்து செம எமோஷனலாகப் பேசினார்: “டைரக்டர் ஆகாஷ் என்கிட்ட வந்து ‘இதயம் முரளி’னு படத்தோட டைட்டிலைச் சொன்னப்போ, எனக்குள்ள பயங்கர யோசனை. நிஜமாவே என் கண்கள் கலங்கிடுச்சு. அதுவும் படத்துல ‘பொட்டு வைத்த வட்ட நிலா’ பாட்டை ரீ-கிரியேட் பண்ணிப் போட்டப்போ, எங்க குடும்பமே அழுதுட்டோம். தமிழ் சினிமாவுல இப்படி ஒரு அழகான, லைட் ஹார்ட்டட் லவ் ஸ்டோரியைக் கொடுத்த ஆகாஷுக்கு பெரிய தேங்க்ஸ்! இந்த டைட்டில் செட் ஆகுமானு நான் அடிக்கடி கேட்டுட்டே இருந்தேன், ஆனா ஆகாஷ்தான் எனக்கு முழு நம்பிக்கை கொடுத்தார்” என்றார்.டீமுக்கு நன்றி: ‘எல்லோரும் ஒரே ஃபேமிலி ஆயிட்டோம்!’

தொடர்ந்து பேசிய அதர்வா, தொழில்நுட்பக் கலைஞர்களையும், சக நடிகர்களையும் பாராட்டத் தவறவில்லை: “இந்தப் படத்துக்காக கிட்டத்தட்ட நாலு மணி நேர ஃபுட்டேஜுக்கு நான் டப்பிங் பேசினேன். நாங்க ஸ்பாட்ல நினைச்சதை எல்லாம் எடிட் பண்ணி, படத்தை இவ்வளவு கிரிஸ்ப்பா செதுக்கிக் கொடுத்த எடிட்டர் பிரதீப்புக்கு நன்றி. கேமராமேன் மனோஜ் பரமஹம்சா எல்லாரையும் ஸ்கிரீன்ல லட்டு மாதிரி காட்டியிருக்கார். வசனங்களும் செமையா வந்திருக்கு. முக்கியமா, என் அப்பாவோட நெருங்கிய நண்பர் சின்னி ஜெயந்த் சாருமே இந்த டீம்ல இருந்தது எனக்கு ரொம்ப ஹேப்பி. ஷூட்டிங் முடியும்போது நாங்க எல்லாரும் ஒரு ஃபேமிலி மாதிரியே மாறிட்டோம்” என நெகிழ்ச்சியோடு முடித்தார் அதர்வா.

கயாடு லோஹர், ப்ரீத்தி முகுந்தன், பரிதாபங்கள் டிராவிட், சுதாகர் எனப் பெரிய பட்டாளமே நடித்திருக்கும் இந்த ‘இதயம் முரளி’, திரையரங்குகளில் ரசிகர்களின் பாராட்டுகளோடு தன் வெற்றப் பயணத்தைத் தொடர்கிறது!