மிரட்டும் ‘மூன்றாம் கண்’ ஹைபர்லிங்க் க்ரைம் த்ரில்லர்: ஜூன் 12 ரிலீஸ்!

Trending entertainment & White horse studios சார்பில் K.சசிகுமார் தயாரிப்பில், அறிமுக இயக்குநர் சகோ கணேசன் இயக்கத்தில், விதார்த், கலையரசன், த்ரிகுண், சந்தோஷ் பிரதாப் எனப் பெரிய நட்சத்திரப் பட்டாளமே இணைந்து நடித்துள்ள படம் “மூன்றாம் கண்”. ‘கேயாஸ் தியரி’ மற்றும் ‘ரஷோமான் எஃபெக்ட்’ பாணியில் ஹைபர்லிங்க் க்ரைம் த்ரில்லராக உருவாகியிருக்கும் இப்படம் வரும் ஜூன் 12 ஆம் தேதி திரைக்கு வருகிறது. இதையொட்டி, சென்னையில் நடைபெற்ற இப்படத்தின் பத்திரிகையாளர் சந்திப்பில் படக்குழுவினர் பகிர்ந்த சுவாரஸ்யமான தகவல்கள்:தயாரிப்பாளர் K. சசிகுமார்: “இயக்குநரின் அசுர உழைப்பு!”

“கதையைக் கேட்டவுடனேயே இதை நிச்சயம் படமாக்க வேண்டும் என்று முடிவு செய்தேன். இயக்குநர் சகோ கணேசன் திட்டமிட்ட காலத்திற்குள் படத்தை செம நேர்த்தியாக முடித்துக் கொடுத்துள்ளார். அவருக்கு என் நன்றிகள். படத்தில் ஒரே ஒரு பாடல் தான், அதை அஜீஸ் அற்புதமாக தந்துள்ளார். இசையமைப்பாளர் ராஜ்பிரதாப்பின் பின்னணி இசை படத்திற்குப் பெரிய பலம். எடிட்டர் ராமர் உள்ளிட்ட ஒட்டுமொத்த தொழில்நுட்பக் குழுவின் அர்ப்பணிப்பால் படம் சிறப்பாக வந்துள்ளது. ஊடகங்கள் எப்போதும் போல இந்த முயற்சிக்கும் ஆதரவு தர வேண்டும்.”

நடன இயக்குநர் ராதிகா மாஸ்டர்: “வலிமையான கதைக்களம்!”

“இயக்குநர் சகோ கணேசனை உதவி இயக்குநராக இருந்த காலத்திலிருந்தே எனக்குத் தெரியும். அவரது கடின உழைப்பின் பலன் தான் இப்படம். ஒரு அறிமுக இயக்குநரின் படத்தில் விதார்த், கலையரசன், சந்தோஷ் பிரதாப், த்ரிகுண் போன்ற முன்னணி ஹீரோக்கள் இணைந்ததே இந்த கதையின் வலிமைக்குச் சான்று. தயாரிப்பாளர் சசிகுமார் சார் எதற்கும் தயங்காமல் முழு ஆதரவு தந்துள்ளார். கதாநாயகிகள் தேஜு, அதுல்யா இருவரும் கடினமான சூழலிலும் அர்ப்பணிப்போடு நடித்தனர். படம் பெரிய வெற்றியைப் பெறும்.”

கலை இயக்குநர் மைக்கேல்: “வித்தியாசமான படைப்பு!”

“இயக்குநர் சகோ கணேசன் கதையை மிகத் தெளிவாகவும் வித்தியாசமாகவும் வடிவமைத்துள்ளார். கதையைக் கேட்டபோதே இது ஒரு ஸ்பெஷல் படமாக இருக்கும் என்று தோன்றியது. ஹீரோக்கள் அனைவரும் இயக்குநரின் பார்வையை நம்பி முழு ஒத்துழைப்பு தந்தனர். தயாரிப்பாளர் சசிகுமார் சாரும் பக்கபலமாக இருந்தார். அனைவரின் கூட்டு உழைப்பில் உருவான இந்த ‘மூன்றாம் கண்’ ரசிகர்களைக் கவரும்.”

எடிட்டர் ராமர்: “சீட்டின் நுனிக்கே வரவைக்கும் திரைக்கதை!”

“இரண்டு ஆண்டுகளுக்கு முன்பே இந்த கதையைக் கேட்டு இம்ப்ரெஸ் ஆனேன். இதன் திரைக்கதை பார்வையாளர்களைக் கடைசி வரை சீட்டின் நுனியில் உட்கார வைக்கும். மிகக் குறுகிய காலக்கெடுவுக்குள் எடிட்டிங் பணிகளை முடிக்க வேண்டிய சூழல் இருந்தாலும், ஒட்டுமொத்த குழுவும் இணைந்து சாதித்துள்ளோம். படத்தில் பல சர்ப்ரைஸ்கள் உள்ளன, ரசிகர்கள் தியேட்டரில் அதை உணர்வார்கள்.”

இசையமைப்பாளர் ராஜ்பிரதாப்: “ஒரு மிரட்டலான சஸ்பென்ஸ் த்ரில்லர்!”

“வலுவான திரைக்கதை கொண்ட சஸ்பென்ஸ் த்ரில்லருக்கு இசையமைக்க வேண்டும் என்ற என் நீண்ட நாள் ஆசையை இப்படம் நிறைவேற்றியுள்ளது. படத்தின் கதையை ஒரே முறை பார்த்துப் புரிந்துகொள்ள முடியாது, அந்தளவுக்குச் சுவாரஸ்யமான முடிச்சுகள் உள்ளன. கதையின் சஸ்பென்ஸை உடைக்காமல், அதே சமயம் பார்வையாளர்களை ஈர்க்கும் வகையில் பின்னணி இசையை அமைப்பது சவாலாக இருந்தது. நிறைய லைவ் இன்ஸ்ட்ருமென்ட்ஸ்களைப் பயன்படுத்தியுள்ளோம்.”

நடிகை அதுல்யா சந்திரா: “திறமையான கலைஞர்களுடன் பணிபுரிந்த அனுபவம்!”

“தமிழில் இது எனக்கு மூன்றாவது படம். ‘மூன்றாம் கண்’ என்ற தலைப்பே மிகவும் பாசிட்டிவ்வாக இருந்தது. விதார்த், சந்தோஷ் பிரதாப், கலையரசன், தேஜு எனப் பல திறமையான கலைஞர்களுடன் இணைந்து திரையைப் பகிர்ந்து கொண்டது ஒரு சிறந்த கற்றல் அனுபவமாக அமைந்தது. படக்குழுவினர் அனைவரும் செம ஹார்ட்வொர்க் செய்துள்ளனர்.”

நடிகை தேஜு அஸ்வினி: “இதுவரை பண்ணாத வித்தியாசமான ரோல்!”

“நான் நடித்த படங்களிலேயே மிகவும் வித்தியாசமான கதைக் களம் இதுதான். என்னோட கேரக்டர் எனக்கு ரொம்பப் பிடிச்சிருந்தது. ஷூட்டிங் ஸ்பாட்டில் கலையரசன் அண்ணன் எனக்கு ஒரு ஃபேமிலி மெம்பர் போலவே இருந்தார். புரமோ பாடலில் எனக்கு முழு சுதந்திரம் தந்து நடனமாட வைத்த தினேஷ் மாஸ்டருக்கு நன்றி. ஜூன் 12 தியேட்டரில் பார்த்துவிட்டு உங்கள் கருத்துக்களைச் சொல்லுங்கள்.”

நடிகர் KPY சரத்: “காமெடி இல்லாத புதுமையான கேரக்டர்!”

“வழக்கமாக நான் பண்ணும் காமெடி ரோல் இல்லாமல், இதில் முற்றிலும் மாறுபட்ட ஒரு சீரியஸான கதாபாத்திரத்தை இயக்குநர் எனக்குக் கொடுத்துள்ளார். இது எனக்குப் புது அனுபவம். முன்னணி ஹீரோக்களுடன் இணைந்து நடித்தது மகிழ்ச்சி. படம் ரசிகர்களை நிச்சயம் கவரும்.”

நடிகர் சந்தோஷ் பிரதாப்: “மனிதனின் இருண்ட பக்கத்தைப் பேசும் படம்!”

“இந்தக் குழுவோடு பழகியது ஒரு குடும்பம் போன்ற உணர்வைத் தந்தது. வழக்கமான கதாபாத்திரங்கள் என்றில்லாமல், நடிகர்களின் மீதான ஒரே மாதிரியான பார்வையை உடைக்கும் வேடம் இதில் எனக்குக் கிடைத்துள்ளது. அதற்கு இயக்குநருக்கு நன்றி. படம் வெறும் சஸ்பென்ஸ் த்ரில்லராக மட்டுமல்லாமல், மனிதர்களுக்குள் இருக்கும் இருண்ட பக்கத்தைப் பற்றியும் பேசுகிறது. முடிவு உங்களைச் சிந்திக்க வைக்கும்.”

நடிகர் த்ரிகுண்: “உயிரோட்டமான மனிதநேயக் குழு!”

“சினிமா என்பது ஒரு கூட்டு முயற்சி என்பதை நிரூபித்த படம் இது. படப்பிடிப்பின் போது என் குடும்பத்தில் ஒரு துயரம் நடந்தபோது, எனக்காக மொத்த ஷெட்யூலையும் மாற்றியமைத்துக் கொடுத்தார் தயாரிப்பாளர் சசிகுமார் சார். படம் முடியும் முன்பே சம்பளத்தை நேர்மையாக வழங்கிய மனிதநேயமிக்க தயாரிப்பாளர் அவர். கதை மிகவும் ஈர்த்ததால் உடனே ஓகே சொன்னேன். படம் பெரிய ஹிட்டடிக்கும்.”

இயக்குநர் சகோ கணேசன்: “விருமாண்டி பாணி ‘ரஷோமான் எஃபெக்ட்’!”

“விருமாண்டி, வேன்டேஜ் பாயிண்ட் போன்ற படங்களில் பயன்படுத்தப்பட்ட ‘Rashomon Effect’ (ஒரே கதையைப் பலரின் பார்வையில் சொல்வது) உத்தியை இதில் கமர்ஷியல் கியர் கலந்து பயன்படுத்தியுள்ளோம். என் மீது நம்பிக்கை வைத்த தயாரிப்பாளருக்கு நன்றி. கலையரசன் சவாலான கதாபாத்திரத்தில் மிரட்டியுள்ளார். விதார்த், சந்தோஷ் பிரதாப், த்ரிகுண், ஜான் விஜய், தேஜு, அதுல்யா என அனைவரும் டாப் கிளாஸ் பெர்ஃபார்மன்ஸ் தந்துள்ளனர். மிகக் குறுகிய காலத்தில் தொழில்நுட்பக் கலைஞர்களின் அசுர உழைப்பால் இப்படம் பிரம்மாண்டமாக உருவாகியுள்ளது.”

நடிகர் கலையரசன்: “புதிய பரிமாணத்தில் ஒரு நடிப்பு!”

“என்னை ஒரே மாதிரியான கதாபாத்திரத்திற்குள் அடைக்காமல், புதிய பரிமாணத்தில் காட்டியுள்ளது இந்த ‘மூன்றாம் கண்’. சஸ்பென்ஸ் த்ரில்லராக மட்டுமில்லாமல், படம் முடிந்த பிறகும் உங்களை யோசிக்க வைக்கும் பல விஷயங்கள் இதில் இருக்கு. தயாரிப்பாளர் சசிகுமார் சார் எப்போதும் ஒரு அண்ணன் போலப் பார்த்துக் கொண்டார். படக்குழுவினர் எல்லாரும் சேர்ந்து ஒரு அருமையான படத்தை உருவாக்கியிருக்கிறோம்.”

நடிகர் விதார்த்: “வசனங்கள் இல்லாத சவாலான கதாபாத்திரம்!”

“இந்தப் படத்தில் எனக்கு வசனங்கள் மிக மிகக் குறைவு. டயலாக் இல்லாமல் வெறும் உணர்வுகளை மட்டும் வெளிப்படுத்துவது ஒரு நடிகனாக எனக்குப் பெரிய சவாலாக இருந்தது. அதை இயக்குநர் என்னிடம் நேர்த்தியாக வாங்கினார். சசிகுமார் சார் போன்ற நேர்மையான தயாரிப்பாளர்களைச் சினிமாவில் பார்ப்பது அரிது. பின்னணி இசை, காட்சியமைப்புகள் எனப் படம் வேற லெவலில் வந்துள்ளது. தியேட்டரில் பார்த்து ஆதரவு தாருங்கள்.”

தொழில்நுட்பக் குழு விவரம்: