ஜி.வி.பிரகாஷின் ஆக்க்ஷன், மிரட்டல்! அனல் பறக்கும் “வெக்கை” ஃபர்ஸ்ட் லுக்!

ஜி.வி.பிரகாஷ் நடிப்பில், பா.இரஞ்சித் தயாரிப்பில் செம மாஸாக உருவாகியிருக்கும் “வெக்கை” திரைப்படத்தின் ஃபர்ஸ்ட் லுக் போஸ்டர் வெளியாகி சோஷியல் மீடியாவை அதிர வச்சிட்டு இருக்கு!

பா.இரஞ்சித்தின் நீலம் புரொடக்ஷன்ஸ் மற்றும் டிவைன் புரொடக்ஷன்ஸ் இணைந்து தயாரிக்கும் இந்த படத்தின் மூலம், இரஞ்சித்தின் நீண்டகால இணை இயக்குனர் அகிரன் மோசஸ் இயக்குனராக தடம் பதிக்கிறார்.

போஸ்டர்ல என்ன ஸ்பெஷல்?

ஒரு வித்தியாசமான கிராஃபிக் ஸ்டைலில் மிரட்டலாக வந்திருக்கும் இந்த போஸ்டரில், சென்னை மாநகரத்தின் பரபரப்பான ரோட்டின் நடுவே ஜி.வி.பிரகாஷும் மலையாள ஸ்டார் ஸ்ரீநாத் பாஸியும் நேருக்கு நேர் மோதிக்கொள்ளும் சீன் சும்மா தீப்பொறியா பறக்குது!

நாம் தினமும் கடந்து போகும் சாதாரண ‘ரோடு ஃபைட்’ (சாலைத் தகராறு) தான் இந்த படத்தின் மெயின் பாயிண்டே.

“ஒரு கண நேர கோபம், எத்தனை மனிதர்களின் வாழ்க்கையை தலைகீழாக மாற்றுகிறது என்பதுதான் இந்த வெக்கை!”

அன்றாட வாழ்க்கையில் வரும் ஆத்திரம், ஈகோ மற்றும் அதனால் ஏற்படும் பயங்கரமான விளைவுகளைத் தான் இந்த படம் பேசப்போகிறது.

மிரட்டலான டீம் கூட்டணி!

சென்னையை பின்னணியாகக் கொண்ட இந்த கதையில் ஜி.வி.பிரகாஷ் செம எனர்ஜியான இளைஞராக களம் இறங்குகிறார். இவருடன் ஸ்ரீநாத் பாஸி மோத, கதாநாயகியாக ஷிவானி ராஜசேகர் நடிக்கிறார். மேலும் சுனில், மைம் கோபி, லிங்கேஷ் என ஒரு பெரிய நட்சத்திர பட்டாளமே இதில் கைகோர்த்துள்ளது.

கதைக்கு உயிர் கொடுக்க இவங்களும் இருக்காங்க:

• இசை: நம்ம ஜி.வி.பிரகாஷே தான்! (மியூசிக்ல தனி ஆட்டம் இருக்கும்!)

• ஒளிப்பதிவு: ரூபேஷ் ஷாஜி

• எடிட்டிங்: செல்வா RK

• சண்டைப்பயிற்சி: ஸ்டன்னர் சாம்

• பாடல்கள்: அறிவு, மவுனன் யாத்ரீகா

• தயாரிப்பு: வெங்கடேஷ் வெலினேனி, D லெமுவேல், பா.இரஞ்சித்

சும்மா சண்டை மட்டும் இல்லாமல் காதல், காமெடி, சென்டிமென்ட் என அனைத்தும் கலந்த ஒரு பக்கா கமர்ஷியல் ஆக்ஷன் த்ரில்லராக தியேட்டரில் பட்டாசாக வெடிக்க வரப்போகிறது இந்த “வெக்கை”! பாக்ஸ் ஆபீஸ்ல ஆட்டம் ஆரம்பம்!